នៅក្នុងរយៈពេលប៉ុន្មានថ្ងៃកន្លងមកនេះ នៅក្នុងខេត្តបាត់ដំបង ក៍ដូចជានៅតាមបណ្តារខេត្កមួយចំនួនទូទាំងប្រទេសកម្ពុជាបានទទួលរងនូវជំនន់ទឹកភ្លៀង ធ្វើអោយលិចលង់ផ្ទះសម្បែង ស្រែ​ចំការ​បង្ករផលប៉ះពាល់ ​ដល់ប្រជាពលរដ្ឋជាច្រើនគ្រួសារ  ដើម្បីចូលរួមការលំបាកចំពោះមុខ​ជាបន្ទាន់នេះ ក្រុមការងារសង្គម អនឡាញខ្មែរញ៉ូ វីហ្សិន រួមជាមួយសប្បុរសជនជាច្រើនទៀតដែលដឹកនំាដោយ លោក ជា ប៊ុនម៉េង លោកស្រី លឹម វ៉ាន់ឌី ឯកឧត្តម ប៉ែត រស្មី លោកផាត់ ចំណាន កាលពីពេលថ្មីៗកន្លងទៅនេះ បាននាំយកអំណោយមនុស្សធម៍ មានអង្ករ១តោន ត្រីខ១០០កេះ មី៣០កេស ក្រមា១២៥  ទៅចែកជូនដល់ប្រជាពលរដ្ឋ មកពី៦ភូមិ ចំនួន ១២០ គ្រួសា នៅក្នុងឃុំតាសែន ស្រុកកំរៀង​ និង៣០គ្រសារទៀតមកពីឃុំឈឺទាល ស្រុកប៉ាណន់ ខេត្តបាត់ដំបង។

នៅក្នុងឱកាសនោះតំណាងក្រុមសប្បុរសជន បានាថ្លែងដោយការចូលរួមសោកស្តាយនិង ចូល​រួមរំលែកការលំបាក ជាមួយពុកម៉ែបងប្អូកូនក្មួយទំាអស់ ដែលរងគ្រោះដោយទឹកជំនន់ បង្ករឡើងដោយភ្លៀងធ្លាក់ជាគម្ហុកផ្ទួនៗគ្នា ធ្វើអោយលិចលង់ផ្ទះសម្បែងប្រជាពលរដ្ឋ នៅក្នុងភូមិទាំង៦ ឃុំតាសែន ស្រុកកំរៀងនិង ឃុំឈឺទាល ស្រុកប៉ាណន់ នៅពេលនេះ ដូច្នេះក្រុមការងារមនុស្សធម៍ ព័ត៌មានសង្គមអនឡាញ ខ្មែរញ៉ូ វីហ្សិន រួមជាមួយ សប្បុរសជនជាច្រើនទៀត បានប្រមែលប្រមូលគ្នា ដើម្បីនំាយកគ្រឿងឧបភោគបរិភោគនិងសម្ភារៈប្រើប្រាស់មួយចំនួន​ មកចែកជូនបងប្អូននៅពេលនេះ ដោយក្នុងមួយគ្រួសារៗទទួលបាន អង្ករ១០គ មី ត្រីខ២យួរ ក្រមាមួយ  ដើម្បីជួយសម្រួលការលំបាកបងរបស់បងប្អូនបានមួយគ្រាទម្រាំ ទឹកស្រកបងប្អូនអាចប្រកបមុខរបរ រកទទួលទានបានដូចដើមវិញ ។ ទន្ទឹមនឹងនេះ រាជរដ្ឋាភិបាលកម្ពុជាក្រោមការដឹកនាំរបស់ សម្តេចតេជោ ហ៊ុន សែន បានយកចិត្តទុកដាក់យ៉ាងខ្លាំងចំពោះបងប្អូនប្រជាជនលើសុខុមាលភាព និងសុខទុក្ខ ក្នុងស្ថានភាពប្រឈមមុខនឹងគ្រោះធម្មជាតិ និងជំងឺរាតល្បាតផ្សេងៗ។

ក្នុងឱកាសនោះលោក ស៊ិន ណាវុធ ភិបាលរងស្រុកកំរៀង និងអជ្ញាធរ បានថ្លែងអំណរអរគុណយ៉ាងជ្រាវជ្រៅ ចំពោះទឹកចិត្តដ៏ថ្លៃថ្នារបស់សប្បុរសជន ដែលបានចុះមកដល់ទីតាំងផ្ទាល់ ដើម្បីជួយសម្រាលការលំបាករបស់បងប្អូនប្រជាពលរដ្ឋរងគ្រោះដោយទឹកជំនន់ទឹកភ្លៀងនាពេលនេះ ទោះជាមានការលំបាកក្នុងការធ្វើដំណើរយ៉ាងក៏ដោយ៕