អឺរ៉ុបរឹតបន្តឹងបម្រាម COVID-19 ខណៈអង្គការ WHO ដាស់តឿនប្រទេសនានាអោយអនុវត្តវិធានការធ្វើចត្តាឡីស័ក
អឺរ៉ុប៖ ប្រទេសមួយចំនួនក្នុងចំណោមបណ្តាប្រទេសនៅអឺរ៉ុបបានចាត់វិធានបន្ទាន់មួយនៅថ្ងៃចន្ទដើមសប្តាហ៍នេះ ដើម្បីប្រយុទ្ធប្រឆាំងនឹងរលកទី២នៃការឆ្លងរាតត្បាតជាសកលជម្ងឺ Covid-19 នេះបើតាមសារព័ត៌មាន AFP នៅថ្ងៃ២០ ខែតុលា ឆ្នាំ២០២០ ។
ស្របពេលជាមួយគ្នានេះដែរ អង្គការសុខភាពពិភពលោក WHO បានស្តីបន្ទោសការកើនឡើងនូវករណីឆ្លងថ្មីៗនៅទូទាំងពិភពលោក ដែលសរុបមកទល់ពេលនេះមានចំនួនជាង៤០លាននាក់ហើយ ដោយសារតែប្រទេសជាច្រើនបានបរាជ័យ ក្នុងការធ្វើចត្តាឡីស័កលើអ្នកឆ្លងជម្ងឺអោយបានត្រឹមត្រូវ ។
សូមជំរាបថា ប្រទេសអៀរឡង់ និងវែលបានក្លាយជាប្រទេសដំបូងគេ ដែលបានចាត់វិធានការបិទប្រទេសសាជាថ្មី ស្របពេលដែលចំនួនមនុស្សស្លាប់ដោយសារជម្ងឺ Covid-19 នៅអឺរ៉ុប បានកើនឡើងដល់២៥ម៉ឺននាក់ នេះបើតាមរបាយការណ៍ចេញផ្សាយដោយសារព័ត៌មាន AFP ៕
