មន្ត្រីនាំពាក្យក្រសួងមហាផ្ទៃបានថ្លែងនៅថ្ងៃនេះថា មានមនុស្ស៦នាក់ទៀត បានស្លាប់ដោយការលង់ទឹក ដែល នាំឲ្យចំនួនអ្នកស្លាប់បានកើនដល់៥៧នាក់ហើយក្នុងរយៈពេល១៣ថ្ងៃជាប់គ្នា កន្លងមកនេះ។ នាយ ឧត្តមសេនីយ៍ ខៀវ សុភ័គ បានបញ្ជាក់ប្រាប់បណ្តាញព័ត៌មានថាការបាត់បង់ជីវិត៦នាក់ចុងក្រោយនេះ បានកើតឡើងកាលពី ថ្ងៃទី២២តុលា ក្នុងនោះនៅខេត្តបាត់ដំបង២នាក់ ,កំពង់ចាមម្នាក់, កំពង់ឆ្នាំង២នាក់ និងខេត្តពោធិ៍សាត់ម្នាក់ ។ជាមួយគ្នានេះ ម្សិលមិញនេះ ក្មេងស្រីដែលរអិលជើងធ្លាក់ទឹកនៅរមណី​ដ្ឋាន​ក្បាលឆាយ ត្រូវបានគេប្រទះឃើញសាកសពផងដែរ។

កម្ពុជាគិតត្រឹមពីថ្ងៃទី១១តុលាដល់ ២២តុលា ការស្លាប់ដោយករណីលង់ទឹក បានកើនឡើងចំនួន៥៧នាក់ ហើយ ក្នុងនោះមាន៥នាក់ បានស្លាប់កាលពីថ្ងៃទី១១តុលា, ៧នាក់បានស្លាប់កាលពីថ្ងៃទី១២តុលា, ៣នាក់ បាន ស្លាប់ កាលពីថ្ងៃទី១៣តុលា ,២នាក់បានស្លាប់កាលពីថ្ងៃទី១៤តុលា, ២នាក់បានស្លាប់កាលពីថ្ងៃទី១៥ តុលា, ២នាក់ បានស្លាប់កាលពីថ្ងៃទី១៦តុលា, ៥នាក់បានស្លាប់កាលពីថ្ងៃទី១៧តុលា, ៤នាក់បានស្លាប់ កាលពីថ្ងៃទី១៨តុលា, ១១នាក់បានស្លាប់កាលពីថ្ងៃទី១៩តុលា, ៦នាក់បានស្លាប់កាលពីថ្ងៃទី២០តុលា, ៤នាក់ បានស្លាប់ កាលពីថ្ងៃទី២១តុលា, និង៦នាក់ចុងក្រោយកាលពីថ្ងៃទី២២តុលា។