ក្រោយចេញពីអឺរ៉ុប អង់គ្លេសចុះកិច្ចព្រមព្រៀងពាណិជ្ជកម្មសេរីជាមួយជប៉ុន
ជប៉ុននិងអង់គ្លេសបានចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី នៅថ្ងៃសុក្រ ទី២៣ តុលា ២០២០នេះ ជាកិច្ចព្រមព្រៀងដ៏ធំដំបូងក្រោយការចាកចេញរបស់អង់គ្លេសពីសហគមអឺរ៉ុប ដែលការនេះនឹងបន្ធូរបន្ថយពន្ធលើទំនិញជើងសប្បនិម្មិត Yorkshire លក់នៅជប៉ុន ក៏ដូចជា គ្រឿងបន្លាស់រថយន្តសម្រាប់រោងចក្រ Nissan របស់ជប៉ុន។
រដ្ឋមន្ត្រីពាណិជ្ជកម្មអន្តរជាតិរបស់អង់គ្លេស Liz Truss បានប្រាប់អ្នកសារព័ត៌មាន នៅឯពិធីចុះហត្ថលេខា នាក្រុងតូក្យូថា «ពិតជារឿងល្អណាស់ ដែលបានមកដល់ទឹកដីនៃព្រះអាទិត្យរះ (ជប៉ុន) ស្វាគមន៍យុគសម័យថ្មី នៃពាណិជ្ជសេរី»
ជាមួយគ្នានេះ រដ្ឋមន្ត្រីការបរទេសជប៉ុន Toshimitsu Motegi បានហៅកិច្ចព្រមព្រៀងនេះថា ជាកិច្ចព្រមព្រៀងពាណិជ្ជកម្មដ៏ធំដំបូង សម្រាប់អង់គ្លេស ចាប់តាំងពីខ្លួនបានត្រលប់មកជាប្រទេសពាណិជ្ជកម្មឯករាជ្យ។
កិច្ចព្រមព្រៀង ដែលគេដឹងថា នឹងបង្កើនពាណិជ្ជកម្មអង់គ្លេស-ជប៉ុន១៩.៥ពាន់លានដុល្លារអាមេរិកនេះ ក៏នឹងផ្តល់ភាពកាន់តែងាយស្រួលដល់ក្រុមហ៊ុនអង់គ្លេសនៅជប៉ុន៕ ប្រភពពី Channelnewsasia
