ព្រះរាជអំណោយរបស់ព្រះមហាក្សត្រនិងសម្ដេចម៉ែ បានចែកជូនដល់ប្រជាពលរដ្ឋជាង១ពាន់គ្រួសារដែលរងគ្រោះទឹកជំនន់នៅខេត្តសៀមរាប។ព្រះរាជអំណោយរបស់ព្រះអង្គទាំងទ្វេ ត្រូវបានត្រូវបានក្រុមមន្ត្រីនៃក្រសួងព្រះបរមរាជ​វាំងនៅថ្ងៃទី២៥តុលា ចែកជូនប្រជាពលរដ្ឋចំនួន១ពាន់១៥៣គ្រួសារមកពីឃុំយាងនិងឃុំសសរស្តម្ភ នៃស្រុកពួកដោយគ្រួសារនីមួយៗទទួលបាន អង្ករ៥០គីឡូក្រាម, មី១កេស, មុង១,  ក្រមា១,  សារុង១, ភួយ១, ត្រីខ១០កំប៉ុង, កៅស៊ូតង់១, សាប៊ូដុំ៥ដុំ, អាវយឺត ១ និងថរិកា ៤០ម៉ឺនរៀល។ ព្រះរាជអំណោយរបស់ ព្រះមហាក្សត្រនិងសម្តេចម៉ែដែលចែកជួនប្រជាពលរដ្ឋតាមគោលដៅនានា គិតត្រឹមថ្ងៃទី២៥តុលា មានចំនួន ជាង៥ពាន់គ្រួសារហើយ នៅភូមិសាស្រ្តខេត្តចំនួន៨ គឺ បាត់ដំបង់ ពោធិ៍សាត់ បន្ទាយមានជ័យ ប៉ៃលិន កំពង់ធំ កណ្តាល កំពង់ស្ពឺ ខេត្តសៀមរាប៕