នាយករដ្ឋមន្ត្រីថៃ ប្រាយុទ្ធ ប្តេជ្ញាបន្តកាន់អំណាច ទោះបីមានសំពាធកាន់តែខ្លាំង
នាយករដ្ឋមន្ត្រីថៃ លោកប្រាយុទ្ធ ចាន់អូចា កាលពីម្សិលមិញ បានច្រានចោលការអំពាវនាវពីបណ្តាគណបក្សប្រឆាំងឲ្យលោកចុះចេញពីតំណែង អំឡុងប្រជុំសភាពិសេស ជាអង្គប្រជុំដែលលោកផ្ទាល់ជាអ្នកស្នើឲ្យមានដើម្បីដោះស្រាយវបត្តិនិយោបាយផ្តើមចេញពីបាតុកម្មរបស់ពួកយុវជនរាប់ម៉ឺននាក់ ទាមទារឲ្យលោកចុះចេញ និងធ្វើកំណែទម្រង់របបរាជានិយម។
អតីតមេដឹកនាំរដ្ឋប្រហារយោធា ឆ្នាំ២០១៤រូបនេះបាននិយាយថា «ខ្ញុំនឹងមិនរត់ចោលបញ្ហាទេ ខ្ញុំនឹងមិនគេចចេញពីកាតព្វកិច្ចរបស់ខ្ញុំ តាមរយៈការចុះចេញពីតំណែង នៅពេលដែលប្រជាជាតិមានបញ្ហា»។
ក្រុមសមាជិកបក្សប្រឆាំងដ៏មានឥទ្ធិពលក្នុងរដ្ឋសភាបានប្រាប់ឲ្យលោកប្រាយុទ្ធ ចុះចេញ ហើយឈប់លាក់ពួនពីក្រោយភាពស្មោះត្រង់នឹងរាជានិយមទៅ។ ក្រុមរិះគន់ថា លោកបានបង្កើនអំណាច ក្រោយការបោះឆ្នោតឆ្នាំមុន ជាការបោះឆ្នោតដំបូង ក្រោយរដ្ឋប្រហារ ប៉ុន្តែលោកប្រាយុទ្ធ ចាត់ទុកថាជាការបោះឆ្នោតដោយយុត្តិធម៌៕ ប្រភពពី Channelnewsasia
