ភ្នំពេញ  ៖  យោងតាមរបាយការណ៍របស់លោកវរសេនីយ៍ឯក  ម៉ៅ  សឿត  អធិការនគរបាលខណ្ឌច្បារអំពៅ  បានឲ្យដឹង​នៅព្រឹកថ្ងៃទី ២៩  ខែតុលា  ឆ្នាំ ២០២០ នេះ ថា  កម្លាំងសមត្ថកិច្ចប៉ុស្តិ៍ច្បារអំពៅ២ បានឃាត់ខ្លួនជនសង្ស័យម្នាក់កាលពីម្សិលមិញ  នៅបន្ទប់ជួល ភូមិដេីម ស្លែង សង្កាត់ច្បារអំពៅ២ ខណ្ឌច្បារអំពៅ  ពាក់ព័ន្ធ ពីបទ : រក្សាទុកដោយខុសច្បាប់នូវសារធាតុញៀន។

 សមត្ថកិច្ចបានឲ្យដឹងថា  ជនសង្ស័យឈ្មោះ  មាស  រិទ្ធី ភេទប្រុស អាយុ ៤៣ឆ្នាំ ជនជាតិខ្មែរ មុខរបរ មិនពិតប្រាកដ  ស្នាក់នៅបន្ទប់ជួល ភូមិដេីមស្លែង  សង្កាត់ ច្បារអំពៅ២  ខណ្ឌច្បារអំពៅ។ ចំណែកដកហូតបានវត្ថុតាង៖

• ក្រាមពណ៌សថ្លា(សង្សយ័គ្រឿងញៀន) ០១ កញ្ចប់ថង់តូច។ ឧបករណ៍ជក់ គ្រឿង ញៀន ០១កំប្លេ។ និងថង់ប្លាស្ទីក មួយចំនួន។ បច្ចុប្បន្ននេះ ជនសង្ស័យខាងលេីត្រូវបានសមត្ថកិច្ច កសាងសំណុំរឿងបញ្ចូនទៅអធិការដ្ឋាននគរបាលខណ្ឌច្បារអំពៅ ដេីម្បីអនុវត្តន៍បន្តតាមនីតិវិធី ៕ ដោយ ៖ ភារ៉ា និងប៊ុនធី