កងពល​តូច​លេខ​៧០ បានទទួល​អំណោយថ្នាំពេទ្យ និងស្បែកជើង ពីសប្បុរសជន ដើម្បីចូលរួម​ចំណែក​ការងារមនុស្សធម៍ ការគិតគូរ អំពីសុខភាព និងទុក្ខធុរៈរបស់យោធិន។នៅរសៀល​ថ្ងៃទី៣០ ខែតុលា​ ឆ្នាំ​២០២០ លោកឧត្តមសេនីយ៍ទោ សូយ ណារិទ្ធ​ មេបញ្ជាការរងកងពល តំណាង​ឲ្យលោកឧត្តមសេនីយ៍ឯក ម៉ៅ សុផាន់​ មេបញ្ជាការកងពល បានទទួលអំណោយថ្នាំពេទ្យ និងស្បែកជើង ពីសប្បុរស​ជន​ ដែលបាន​ឧបត្ថម្ភ​ជូនកងពល។ ពិធី​នេះ​ដែរបានធ្វើឡើងតាមរយៈ ​លោក ខឹម ចន្ថា​ និងភរិយា​ លោក សូ​លាភ លាក់ និងភរិយា​ ព្រមទាំង​ សប្បុរសជននៅក្រុងឡូវែល សហរដ្ឋ​អាមេរិក​ មានដូចជា:ថ្នាំ​ពេទ្យ​ និងស្បែកជើង ​ដើម្បី​ចូលរួមចំណែកការងារមនុស្សធម៍ និងទំនុកបំរុងដល់កងកម្លាំងរបស់កងពលតូចលេខ៧០។ សូមជម្រាបថា កន្លង​មកកងពលក៏បានទទួលអំណោយពីសប្បុរសជន​​ច្រើន​ជាបន្តបន្ទាប់​ ដែលសកម្មភាពនេះ ត្រូវ​បាន​លោក​ឧត្តមសេនីយ៍ទោ មានប្រសាសន៍ថា នេះជាការបង្ហាញអំពីវប្បធម៌នៃចែករំលែក និងសូមថ្លែងអំណរ​គុណយ៉ាងជ្រាលជ្រៅចំពោះលោក ខឹម ចន្ថា​ និងភរិយា​ លោក សូ​លាភ លាក់ និងភរិយា​ ព្រមទាំង​ សប្បុរស​ជននៅក្រុងឡូវែល សហរដ្ឋ​អាមេរិក ព្រមទាំងក្រុមគ្រួសារអោយជួបប្រទះនឹងពុទ្ធពរ៤ប្រការ អាយុ វណ្ណ:​ សុខ:​ ពល:​​​ កុំបីឃ្លៀងឃ្លាតឡើយ ។