យោងតាម រដ្ឋមន្ត្រីក្រសួងទេសចរណ៍ លោក ថោង ខុន បានអោយដឹងថា ក្នុងរយៈពេល៤ថ្ងៃ នាឱកាស ឈប់ សម្រាក​ព្រះរាជ​ពិធីគ្រងព្រះបរមសិរីរាជ្យសម្បត្តិ និងព្រះរាជ្យពិធីបុណ្យអុំទូក ចាប់ពីថ្ងៃទី២៩ ខែតុលា ដល់ថ្ងៃទី១ ខែវិច្ឆិកា ឆ្នាំ២០២០ មានភ្ញៀវទេសចរ សរុប ៦៤ម៉ឺន៤ពាន់៦៩៨ នាក់ ក្នុងនោះមានភ្ញៀវជាតិមានចំនួនប្រមាណ ៦៣ម៉ឺន៥ពាន់៥៦៨ នាក់ និងភ្ញៀវបរទេសមានចំនួនប្រមាណ ៩ពាន់១៣០ នាក់ បានចេញដើរទស្សនាកម្សាន្តនៅទូទាំងប្រទេស។

លោករដ្ឋមន្ត្រីបានឱ្យដឹងទៀតថាខេត្តដែលទទួលបានភ្ញៀវទេសចរណ៍ដើរកម្សាន្តច្រើនជាងគេគឺ ខេត្តសៀមរា​ប ដែល​មានភ្ញៀវទេសចរណ៍១៦ម៉ឺន៧ពាន់២២៥ នាក់,ខេត្តកំពត មានចំនួន៧ម៉ឺន៣ពាន់៥៩២នាក់,ខេត្តព្រះ​សីហ​នុ មានចំនួន​៥ម៉ឺន៤ពាន់៤០០ នាក់, ខេត្តកណ្តាល មានចំនួន ៥ម៉ឺន១ពាន់៨៦២ នាក់, ខេត្តកំពង់ស្ពឺ មានចំនួន ៤ម៉ឺន៣ពាន់២៤៤ នាក់, ខេត្តកែប មានចំនួន ៣ម៉ឺន៨ពាន់៥៥៨ នាក់, ខេត្តកោះកុង មានចំនួន ២ម៉ឺន៨​ពាន់​២៧៥ នាក់និងខេត្ត​មណ្ឌល​គិរី មានចំនួន ២ម៉ឺន២ពាន់២៣ នាក់៕