ក្រុមតោខៀវ Chelsea ទទួលបាន៣ពិន្ទុ ក្រោយយកឈ្នះ Rennes ក្នុងលទ្ធផល ៣:០ នៃការ​ប្រកួត​​ក្រប​ខ័ណ្ឌ Champions League  រដូវកាល ២០២០ កាលពីយប់មិញ​ នៅកីឡដ្ឋាន Stamford Bridge ។ ជ័យជំនះរបស់តោខៀវ រកបាននៅវគ្គទី១ ដោយការទាត់បាល់ពិន័យ​ ១១ម៉ែត្រ​ ២គ្រាប់​ធ្វើ​សម្រេច​ដោយកីឡាករ Timo Werner នៅនាទី១០ និងនាទី៤១ លុះចូលវគ្គទី២ Tammy Abraham រក​បាន​គ្រាប់ទី៣ លទ្ធផលនេះបានរក្សាដល់ចប់ការប្រកួតពេញម៉ោង៩០នាទី តោខៀវ Chelsea បានយកឈ្នះ Rennes ក្នុងលទ្ធផល ៣:០ ។

សូមបញ្ជាក់ថា សម្រាប់ប្រកួតជើងទី២ នៃការប្រកួត ក្រប​ខ័ណ្ឌ Champions League  ក្រុមតោខៀវ Chelsea និងត្រូវធ្វើដំណើរទៅលេងផ្ទះ Rennes វិញម្តង នៅថ្ងៃទី២៤ ខែវិច្ឆិកា ឆ្នាំ២០២០ ខាងមុខ ៕