ដោយ៖ម៉ាដេប៉ូ

រាជធានីភ្នំពេញ៖ដើម្បីត្រៀមខ្លួនក៏ដូចជាពង្រឹងលើផ្នែកការសិក្សាមុនពេលថ្ងៃប្រឡងមកដល់ ក្រសួងអប់រំយុវជននិងកីឡាបានចេញសេចក្តីជូនដំណឹងមួយដោយឱ្យបេក្ខជនត្រៀមប្រឡងសញ្ញាបត្រមធ្យមសិក្សាទុតិយភូមិឬហៅបាក់ឌុប សម័យប្រឡង២១ ធ្នូ ២០២០ ត្រូវតាមដានមើលពី  Facebook Group នៃទំព័រហ្វេសប៊ុកផ្លូវការ ( facebook.com/groups/moeys)របស់ក្រសួង។

         ក្នុងសេចក្តីជូនដំណឹងរបស់ក្រសួងអប់រំដែលបានបញ្ជាក់តាមរយៈគណីយហ្វេសប៊ុករបស់ខ្លួនឱ្យដឹងថាការតាមដានទំព័រហ្វេសប៊ុកផ្លូវការរបស់ក្រសួងនេះគោលដៅសំខាន់គឺដើម្បីទទួលបាន វីដេអូកំណែប្រធានវិញ្ញាសាប្រឡងឆ្នាំមុនៗតាមអត្រាថ្នាក់ជាតិគ្រប់មុខវិជ្ជាដែលត្រូវជ្រើសរើសសម្រាប់ប្រឡង ។ក្រៅពីនេះក៏នឹងមានមេរៀនសង្ខេប វីដេអូបង្រៀនគ្រប់មុខវិជ្ជាទាំងឆមាសទី១ និងឆមាសទី២ ក៏ដូចជាលិខិតបទដ្ឋានគតិយុត្ត ព័ត៌មានសំខាន់ៗ ទាក់ទងនិងការប្រឡងមធ្យមសិក្សាទុតិយភូមិ សម័យប្រឡង២១ ធ្នូ ២០២០ សម្រាប់ បេក្ខជនប្រឡងផងដែរ៕