រាជរដ្ឋាភិបាលកែសម្រួលយន្តការមួយចំនួនក្នុងការអនុវត្តវិធានការសុខាភិបាលនិងការអនុវត្តយន្តការធានាដទប់ស្កាត់កូវីដ-១៩
ដោយៈម៉ាដេប៉ូ
រាជធានីភ្នំពេញៈក្រសួងសុខាភិបាលនៅថ្ងៃនេះបានចេញសេចក្តីជូនដំណឹងថ្មីមួយទៀតដោយបញ្ជាក់ថា រាជរដ្ឋាភិបាលកម្ពុជាសម្រេចកែសម្រួលយន្តការមួយចំនួនក្នុងការអនុ វត្តវិធានការសុខាភិបាល និងការអនុវត្តយន្តការធានា (Sponsorship Mechanism) ដើម្បីជួយសម្រួលអ្នកដំណើរ ចូលប្រទេសកម្ពុជា ដែលជាវិនិយោគិន-ធុរជន បុគ្គលិកក្រុមហ៊ុន អ្នកជំនាញការ និងអ្នកបច្ចេកទេស ដែលមានការ ធានា ឬអ្នកដំណើរជាជនបរទេសទូទៅ ឬអ្នកដំណើរជាជនបរទេសកាន់ទិដ្ឋាការការទូតប្រភេទ A និងទិដ្ឋាការ ផ្លូវការប្រភេទ B ឬអ្នកដំណើរជាជនជាតិខ្មែរ ទោះជា ប្រើប្រាស់លិខិតឆ្លងដែនកម្ពុជា ឬលិខិតឆ្លងដែនបរទេស។
សេចក្តីជូនដំណឹងដដែលនេះបានបញ្ជាក់ថា “ការកែសម្រួលនេះគឺធ្វើឡើងដើម្បីពង្រឹងការអនុវត្តវិធានការសុខាភិបាល ឆ្លើយតបការរីករាលដាលនៃជំងឺកូវីដ-១៩ ឱ្យកាន់តែមានប្រសិទ្ធភាព និងផ្តល់ភាពងាយស្រួលដល់អ្នកដំណើរទាំងអស់ដែលបានមកដល់ឬគ្រោងធ្វើដំណើរមកកាន់ ប្រទេសកម្ពុជា”។
យោងតាមសេចក្តីជូនដំណឹងក្រសួងសុខាភិបាលកម្ពុជា នៅថ្ងៃទី១១ ខែវិច្ឆិកាឆ្នាំ២០២០នេះបានបញ្ជាក់ថា ក្នុងការកែសម្រួលដើម្បី ឆ្លើយតបការរីករាលដាលជំងឺកូវីដ១៩ ឱ្យកាន់តែមានប្រសិទ្ធភាព និងផ្តល់ភាពងាយស្រួលដល់អ្នកដំណើរទាំងអស់ដែលបានមកដល់ និងគម្រោងធ្វើដំណើរមកកាន់ប្រទេសកម្ពុជា។
សួមមើលសេចក្តីជូនដំណឹងរបស់ក្រសួងសុខាភិបាលខាងក្រោម៖
