ខេត្តកណ្តាល៖ SME-កសិកម្មអាចខ្ចីទុនក្នុងការប្រាក់៥%
អភិបាលខេត្តកណ្តាល លោក គង់ សោភ័ណ្ឌបានអះអាងថា អ្នកប្រកបរបរខ្នាតតូចនិងមធ្យមនៅក្នុងខេត្តអាចទទួលបានការគាំទ្រផ្នែកទន់ពីធនាគារអភិវឌ្ឍន៍ជនបទដោយការប្រាក់ត្រឹម៥%ក្នុងរយៈពេល១ឆ្នាំហើយក្នុងឆ្នាំទី១ អ្នកខ្ចីបង់ត្រឹមតែការប្រាក់តែប៉ុណ្ណោះ។ នេះគឺជាលទ្ធផលនៃកិច្ចប្រជុំរវាងសហគ្រាសធុន តូចនិងមធ្យម និងធនាគារអភិវឌ្ឍន៍ជនបទក្រោមការសម្របសម្រួលរបស់រដ្ឋបាលខេត្ត។
លោកបញ្ជាក់ថា៖អាជ្ញាធរមិនព្រងើយកណ្តើយចំពោះបងប្អូនសហគ្រាសខ្នាតតូចនិងមធ្យមនោះទេ។ លោកបន្ថែមថាក្នុងអំឡុងពេលមានកូវីដនេះ អាជ្ញាធរបានជំរុញឱ្យកសិករទាំងអស់ប្រឹងប្រែងដាំដំណាំនិងចិញ្ចឹមសត្វដើម្បីផ្គត់ផ្គង់ទីផ្សារទាំងក្នុងខេត្តនិងរាជធានីភ្នំពេញ៕
