ខេត្តកណ្តាលមានថវិកា៣៣ពាន់លានរៀលសម្រាប់ជ្រោងសេដ្ឋកិច្ច ខណៈការវិនិយោគនៅទ្រឹង
អភិបាលខេត្តកណ្តាលលោក គង់ សោភ័ណ្ឌ បានអះអាងថាការវិនិយោគនៅខេត្តកណ្តាលនៅទ្រឹងសម្រាប់ដើមឆ្នាំ២០២០នេះ។ សម្រាប់ខេត្តកណ្តាលក៏មិនខុសពីខេត្តផ្សេងទៀតដែរគឺប៉ះពាល់ដោយសារការរីករាលដាលនៃជំងឺកូវីដ១៩។
លោកបញ្ជាក់ថា ៖ សម្រាប់គម្រោងវិនិយោគ រោងចក្រ សណ្ឋាគារ ផ្ទះសំណាក់ កន្លែងកំសាន្តផ្សេងៗទៀតគឺគ្មានទេក្នុងរដូវកាលនេះ។ទន្ទឹមនឹងនេះ ដើម្បីជ្រោងសកម្មភាពសេដ្ឋកិច្ចក្នុងខេត្ត រដ្ឋបាលខេត្តកណ្តាលមានថវិកាប្រមានជាង៣៣ពាន់លាន និង៤៨លានរៀលដើម្បីអនុវត្តគម្រោងចំនួន៣៨នៅក្នុងខេត្ត។
យ៉ាងណាក៏ដោយ លោកបានសន្យាថាបើទោះបីកូវីដបានធ្វើឱ្យប៉ះពាល់ដល់ចំណូលរបស់ខេត្ត ប៉ុន្តែលោកនៅតែបន្តប្រឹងប្រែងបម្រើប្រជាពលរដ្ឋ៕
