លោក ចូ បៃដិន សន្ទនាគ្នាតាមទូរស័ព្ទជាមួយមេដឹកនាំអូស្រ្តាលី ជប៉ុន និងកូរ៉េខាងត្បូងស្តីពីបញ្ហាសកល ការប្រែប្រួលអាកាសធាតុ និងជំងឺ Covid-19
អាមេរិក៖ សារព័ត៌មានរ៉យទ័រចេញផ្សាយនៅថ្ងៃព្រហស្បតិ៍នេះថា ប្រធានាធិបតីជាប់ឆ្នោតរបស់សហរដ្ឋអាមេរិកលោក ចូ បៃដិន បានទទួលការហៅទូរស័ព្ទរបស់មេដឹកនាំមកពីប្រទេសអូស្ត្រាលី ជប៉ុន និងកូរ៉េខាងត្បូង ។
បើតាមការិយាល័យអន្តរកាលរបស់លោក ចូ បៃដិន នោះ មេដឹកនាំសហរដ្ឋអាមេរិក អូស្រា្តលី ជប៉ុន និងកូរ៉េខាងត្បូង បានសម្តែងការប្តេជ្ញាចិត្តក្នុងការពង្រឹងទំនាក់ទំនងទ្វេភាគី ព្រមទាំងបញ្ហាសកល ជំងឺឆ្លង Covid-19 និងការប្រែប្រួលអាកាសធាតុ ។
បន្ទាប់ពីបានផ្តួលលោកប្រធានាធិបតី ដូណាល់ ត្រាំ កាលពីសប្តាហ៍មុននេះ លោក ចូ បៃដិន បានផ្តោតសំខាន់លើការចាក់គ្រឹះរដ្ឋបាលរបស់លោក ខណៈដែលក្រុមយុទ្ធនាការឃោសនាបោះឆ្នោតរបស់លោក ត្រាំ បានដាក់ពាក្យបណ្ដឹងក្នុងរដ្ឋ មីឈីហ្គែន ដែលនេះជាការបោះជំហានមួយថ្មីទៀត ក្នុងយុទ្ធសាស្ត្រតវ៉ាតាមផ្លូវច្បាប់ ដើម្បីសុំឲ្យធ្វើមោឃភាពជ័យជម្នះរបស់លោក បៃដិន ៕
