ក្រុមយុទ្ធនាការបោះឆ្នោតលោក ដូណាល់ ត្រាំ ដាក់ពាក្យបណ្តឹងក្នុងរដ្ឋមីឈីហ្គែន ដើម្បីច្រានចោលជ័យជម្នះរបស់លោក ចូ បៃដិន
អាមេរិក៖ សារព័ត៌មាន AFP ចុះផ្សាយនៅថ្ងៃព្រហស្បតិ៍នេះថា ក្រុមយុទ្ធនាការឃោសនាបោះឆ្នោតរបស់លោក ដូណាល់ ត្រាំ បានដាក់ពាក្យបណ្ដឹងក្នុងរដ្ឋ មីឈីហ្គែន ដែលនេះជាការបោះជំហានមួយថ្មីទៀត ក្នុងយុទ្ធសាស្ត្រតវ៉ាតាមផ្លូវច្បាប់ ដើម្បីសុំឲ្យធ្វើមោឃភាពជ័យជម្នះរបស់លោក ចូ បៃដិន ។
នៅក្នុងរដ្ឋ មីឈីហ្គែន លោក ដូណាល់ ត្រាំ ស្ថិតនៅពីក្រោយលោក ចូ បៃដិន ដល់ទៅ១៤ម៉ឺន៨ពាន់សំឡេង ស្មើនឹង២.៦ភាគរយ ចំនែកឯរដ្ឋ ចរជា វិញ លោក បៃដិន នាំមុខលោក ត្រាំ ប្រមាណ១ម៉ឺន៤ពាន់សំឡេង ស្មើនឹង៣ភាគរយ ។ លោក ដូណាល់ ត្រាំ មិនបានទទួលស្គាល់ជ័យជម្នះរបស់លោក ចូ បៃដិន ឡើយ ដោយសំអាងថា មានការលួចបន្លំសន្លឹកឆ្នោត ។
ជុំវិញបញ្ហានេះដែរ លេខាធិការរដ្ឋ ចរជា លោក ប្រ៊ែដ រ៉ាហ្វហ្វិនស្ពើហ្គឺ ប្រកាសថា ការរាប់សន្លឹកឆ្នោតឡើងវិញដោយដៃ នឹងត្រូវធ្វើឡើងនៅក្នុងតំបន់ចំនួន១៥៩នៃរដ្ឋមួយនេះ ហើយលោករំពឹងថា ការរាប់សន្លឹកឆ្នោតឡើងវិញនេះ នឹងចាប់ផ្ដើមក្នុងសប្ដាហ៍នេះ ក៏ដូចជានឹងបញ្ចប់តាមរយៈការចេញវិញ្ញាបនប័ត្រទទួលស្គាល់លទ្ធផលបោះឆ្នោតនៅថ្ងៃទី២០ ខែវិច្ឆិកាខាងមុខ ៕
