អាល្លឺម៉ង់ថា គ្មានភស្តុតាងបង្ហាញថាស្តេចថៃធ្វើខុសច្បាប់ ក្នុងប្រទេសខ្លួនទេ
ក្រោយពីមានការស្នើសុំពីក្រុមសកម្មជនទាមទារឲ្យរដ្ឋាភិបាលអាល្លឺម៉ង់បើកការស៊ើបអង្កេតលើព្រះមហាក្សត្រប្រទេសថៃ ពេលទ្រង់គង់នៅប្រទេសអាល្លឺម៉ង់នោះ ទីសារព័ត៌មាន Bloomberg ទើបបានចេញផ្សាយថា ផ្ដើមចេញពីការត្រួតពិនិត្យ រួចមករដ្ឋាភិបាល អាល្លឺម៉ង់ពុំឃើញមានភស្តុតាង បង្ហាញថាស្តេចថៃ បានធ្វើខុសច្បាប់ ខណៈពេលគង់ប្រថាប់ នៅក្នុងប្រទេសអាល្លឺម៉ង់នោះទេ រកមិនឃើញ ដោយផ្អែកលើ ទីភ្នាក់ងារព័ត៌មាន German Press Agency។
ប្រភពបន្តទៀតថា រយៈពេល ៤ខែកន្លងមក ប្រទេសថៃ មានសកម្មភាពទាមទារ ប្រជាធិបតេយ្យដោយទាមទារឲ្យនាយករដ្ឋមន្ត្រី លាចេញពីដំណែង ព្រាងរដ្ឋធម្មនុញ្ញថ្មី និងរហូតទាមទារកែទម្រង់ស្ថាប័នក្សត្រថៃ។
ពួកគេចោទថា ព្រះអង្គមិនសូវខ្វល់ខ្វាយពីរាជកិច្ច និងចំណាយពេលលំហែព្រះកាយ ដូចជាការជិះកង់លេងជាមួយមហេសី និងស្នំជាច្រើននាក់នៅអាល្លឺម៉ង់ អំឡុងប្រទេសជាតិមានវិបត្តិកូវីដ១៩៕
