ឧត្តមសេនីយ៍ត្រី នៃ និយម អញ្ជើញចែកអំណោយ និងបន្តណែនាំអំពីជំងឺកូវីដ១៩ ដល់កងកម្លាំងទាំងអស់នៃតំបន់ប្រតិបត្តិការសឹករងកណ្តាល
ឯកឧត្តម ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល នៅព្រឹកថ្ងៃទី១៦ ខែវិច្ឆិកា ឆ្នំា២០២០នេះ បានអញ្ជើញ ចែកអំណោយទទួលបានពី កងការពារព្រំដែនខេត្តអាយ៉ាង ប្រទេសវៀតណាម និងបន្តណែនាំអំពីជំងឺកូវីដ១៩ ដល់កងកម្លាំង ដែលមកពីការិយាល័យ ផ្នែកសឹករងស្រុក ក្រុង វរៈ នៃតំបន់ប្រតិប្រត្តិការសឹករងណ្តាល។
មានប្រសាសន៍នៅក្នុងឱកាសនេះ ឯកឧត្តម មេបញ្ជាការ បានជម្រុញ និងណែនាំទៅដល់ កងកម្លាំងទាំងអស់ ត្រូវចូលរួមអនុវត្តន៍តាមការណែនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក៏ដូចជាក្រសួងសុខាភិបាល ទៅលើវិធានការណ៍នានារបស់ក្រសួង ដើម្បីចូលរួមទប់ស្កាត់ទាំងអស់គ្នា កំអោយជំងឺកូវី១៩នេះ ឆ្លងចូលទៅក្នុងសហគមន៍។
ឯកឧត្តម នៃ និយម បានបញ្ជាក់បន្តថា ជំងឺកូវីដ១៩នេះ គឺជាជំងឺមួយដែលកម្ពុជា ក៏ដូចជាប្រទេសទាំងអស់នៅលើពិភពលោក កំពុងយកចិត្តទុកដាក់ខ្ពស់ ទៅកិច្ចការពារកំអោយឆ្លង និងព្យាបាល ពិសេសគឺទៅលើវិធានការការពារយ៉ាងម៉ឺងម៉ាត់ជាទីបំផុត។ ឯកឧត្តម បន្តថា អ្វីដែលសំខាន់គឺបងប្អូនជាកងកម្លាំងអស់ត្រូវរក្សាអនាយម័យពាក់ម៉ាស់ រក្សាអនាម័យ តាមរយៈការលាងសំអាតដៃ ជាមួយអាកុល សាប៊ូ ឬផេះ អោយបានស្អាតទៅតាមការណែនាំរបស់ក្រសួងសុខាភិបាល។
ឯកឧត្តម មេបញ្ជាការ បានបន្តក្រើនរំលឹកជានិច្ចកងកម្លាំងទាំងអស់ត្រូវមានសុខភាពល្អ តាមរយៈការហាត់ប្រាណ ហូបស្អាត រស់នៅស្អាត ដើម្បីអាចបំពេញភារកិច្ចបានល្អប្រសើរ ទៅលើភារកិច្ចការងារ ដែលថ្នាក់លើប្រគល់ជូន។
គួរបញ្ជាក់ថា អំណោយដែល ឯកឧត្តម ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល រួមជាមួយនិងមេបញ្ជាការរង នាយសេនាធិការ បានយកមកចែកជូននៅក្នុងឱកាសនេះ គឺបានមកពីកងការពារព្រំដែន ខេត្តអានយ៉ាង ប្រទេសវៀត ក្នុងម្នាក់ៗទទួលបាននូវ មី១កេស ប្រេងឆា១ដប ស្ករស១កញ្ចប់ និងម៉ាស់ ចំនួន១០ ផងដែរ៕
