ធនាគារអភិវឌ្ឍន៍អាស៊ីផ្តល់ជាង២០លានដុល្លារ ធានាជួយប្រទេសកំពុងអភិវឌ្ឍន៍ទទួលវ៉ាក់សាំងកូវីដ១៩
ធនាគារអភិវឌ្ឍន៍អាស៊ី (ADB) បានអះអាង នៅថ្ងៃទី១៧ វិច្ឆិកា ២០២០នេះថា ខ្លួនបានត្រៀមកញ្ចប់ថវិការ២០.៣លានដុល្លារអាមេរិក ជួយដល់បណ្តាប្រទេសកំពុងអភិវឌ្ឍន៍ ដែលជាសមាជិករបស់ ADB ទទួលបានវ៉ាកសាំងប្រឆាំងជំងឺកូវីដ១៩ ហើយបង្កើតប្រព័ន្ធដែលអាចឲ្យមានការចែកចាយវ៉ាក់សាំងស្មើភាពនិងប្រកបដោយប្រសិទ្ធិភាព នេះបើតាមការចេញផ្សាយរបស់ទីភ្នាក់ងារសារព័ត៌មានស៊ីនហួរ។
ផ្អែកតាមប្រភព ធនាគារមានទីស្នាក់ការកណ្តាលក្នុងប្រទេសហ្វីលីពីនមួយនេះបញ្ជាក់ថា មូលនិធិនឹងជួយសមាជិករបស់ខ្លួនពអង្រឹងដំណើរការដឹកជញ្ជូនវ៉ាក់សាំង គ្រប់គ្រងការឆ្លង ការផ្គត់ផ្គង់និងជំនាញបុគ្គលិកសុខាភិបាល ជាដើម។
សូមរម្លឹកថា ADB បានអនុម័តកញ្ចប់ថវិការ២០ពាន់លានដុល្លារអាមេរិក កាលពីខែមេសា ដើម្បីជួយដល់បណ្តាប្រទេសកំពុងអភិវឌ្ឍន៍ដែលជាសមាជិក ឆ្លើយតបនឹងជំងឺកូវីដ១៩ ៕
