ឥណ្ឌាត្រៀមរៀបចំសម្ភារៈក្លាសេសម្រាប់ការរក្សាទុក និងចែកចាយវ៉ាក់សាំង Covid-19 ដោយសុវត្ថិភាព
អត្ថបទដោយ៖
ឈឹម ទីណា
ឥណ្ឌា៖ សារព័ត៌មានស៊ីនហួរចុះផ្សាយនៅថ្ងៃព្រហស្បតិ៍នេះថា ឥណ្ឌាកំពុងត្រៀមរៀបចំសម្ភារៈក្លាសេ (ទូរទឹកកក) សម្រាប់ការរក្សាទុក និងចែកចាយវ៉ាក់សាំងដោយសុវត្ថិភាព ។
ប្រភពបានអោយដឹងថា វ៉ាក់សាំង COVID-19 តម្រូវអោយរក្សាទុក និងដឹកជញ្ជូនក្នុងបរិស្ថានត្រជាក់ខ្លាំងបំផុតជាប់ជានិច្ច ព្រោះថា ពួកវានឹងបាត់បង់ប្រសិទ្ធភាព នៅពេលស្ថិតក្រោមសីតុណ្ហភាពខ្ពស់ ឬត្រជាក់មិនដល់កម្រិត ។
សូមជម្រាបថា ឥណ្ឌាអាចនឹងទទួលបានវ៉ាក់សាំង Covid-19 ចន្លោះពី៤០០-៥០០លានដូស ខណៈរដ្ឋាភិបាលបានបង្គាប់អោយបណ្តារដ្ឋទាំងឡាយ បង្កើតផែនការជាបន្ទាន់ ដើម្បីត្រៀមសម្រាប់ការរក្សាទុក និងការចែកចាយវ៉ាក់សាំងទាំងនោះ ប្រកបដោយប្រសិទ្ធភាព និងសុវត្ថិភាព ៕
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
