អ្នកកាសែតជាស្ត្រីម្នាក់ត្រូវបានគេសម្លាប់ ថ្ងៃ១០ ធ្នូនេះ
ក្រុមខ្មាន់កាំភ្លើងបានបាញ់សម្លាប់អ្នកសារព័ត៌មានទូរទស្សន៍ជាស្ត្រីម្នាក់ ដែលនាងក៏ជាសកម្មជនសិទ្ធិមនុស្សដែរ នៅក្នុងប្រទេសអាហ្វហ្គានីស្ថាន នៅថ្ងៃទី១០ ធ្នូ ២០២០នេះ ជាហេតុការណ៍មួយជំរុញដល់ការបំពានដោយហិង្សាល់អ្នកកាសែត ក្នុងប្រទេសមួយនេះ។
នាង Malalai Maiwand អ្នកសារព័ត៌មានប្រចាំនៅស្ថានីយវិទ្យុនិងទូរទស្សន៍ Enikas នៅខេត្ត Nangarhar ត្រូវបានសម្លាប់ ពេលធ្វើដំណើរជាមួយអ្នកបើកបររបស់នាង តាមរថយន្តនៅភាគខាងជើងនៃខេត្ត Nangarhar ធ្វើឲ្យចំនួនអ្នកកាសែតនិងបុគ្គលិកព័ត៌មានចំនួន១០នាក់ហើយ ដែលត្រូវបានគេសម្លាប់ នៅប្រទេសអាហ្វហ្គានីស្ថាន។
អ្នកនាំពាក្យរដ្ឋបាលខេត្តបញ្ជាក់ថា «នាងបានធ្វើដំណើរតាមផ្លូវទៅកាន់ការិយាល័យធ្វើការ ក៏ត្រូវគេបាញ់ប្រហារតែម្តង»។ តំបន់កើតហេតុតែងកើតមានករណីវាយប្រហារ បង្កឡើងដោយពួកជ្រុលនិយមរដ្ឋឥស្លាម ប៉ុន្តែភ្លាមៗ ពុំទាន់មានការប្រកាសចេញមុខទទួលខុសត្រូវ ពីក្រុមណាមួយនៅឡើយទេ៕ ប្រភពពីបាងកកប៉ុស្តិ៍