កូវីដ១៩៖ សិង្ហបុរីសម្រេចជ្រើសរើសវ៉ា់ក់សាំងអាមេរិក-អាល្លឺម៉ង់
នាយករដ្ឋមន្ត្រីសិង្ហបុរី Lee Hsien Loong បានប្រកាស នៅថ្ងៃនេះថា ប្រទេសនេះអនុញ្ញាតឲ្យប្រើប្រាស់ វ៉ាក់សាំងប្រឆាំង COVID-19 របស់ក្រុមហ៊ុនអាមេរិក-អាល្លឺម៉ង់ Pfizer-BioNTech នៅក្នុងករណីបន្ទាន់ហើយ ខណៈវ៉ាក់សាំងដំបូង នឹងមកដល់នៅចុងខែធ្នូនេះតែម្តង។
ការប្រកាសខាងលើនេះ ត្រូវបានធ្វើឡើងនៅក្នុងឱកាសនៃការថ្លែងសារ ទៅកាន់ប្រជាជាតិសិង្ហបុរី ដើម្បីរៀបរាប់អំពីដំណើរវិវឌ្ឍនៃជំងឺ COVID-19 ទាំងនៅលើពិភពលោក និងនៅក្នុងប្រទេសដីកោះមួយនេះផ្ទាល់។
លោកនាយករដ្ឋមន្ត្រីសិង្ហបុរី បានសង្កត់់ធ្ងន់ទៀតថា អាទិភាពនៃការចាក់វ៉ាក់សាំង «ដោយមិនគិតថ្លៃនេះ» នឹងត្រូវបានទៅលើ បុគ្គលិកបម្រើការងារជួរមុខ, មនុស្សមានវ័យចំណាស់ និងក្រុមអ្នកស្ម័គ្រចិត្តនានា៕
