ទិវារត់ប្រណាំងកម្សាន្តស្រី្ត និងកីឡា លើកទី២ បានប្រកាសផ្អាក តាមប្រកាសរាជរដ្ឋាភិបាល និងក្រសួងសុខាភិបាល
ទិវារត់ប្រណាំងកម្សាន្តស្រី្ត និងកីឡា លើកទី២ ដែលរៀបចំដោយគណៈកម្មាធិការជាតិអូឡាំពិកកម្ពុជា និងក្រសួងទេសចរណ៌ដែលគ្រោងរៀបចំធ្វើឡើងចំថ្ងៃទី៨ ខែមិនា ឆ្នាំ២០២១នេះ ត្រូវបានគណៈកម្មាធិការជាតិអូឡាំពិកកម្ពុជា និងប្រសួងទេសចរណ៌ចេញសេចក្តីជូនដំណឹងផ្អាកការរៀបចំព្រឹត្តិការណ៍ប្រណាំងតាមសេចក្តីប្រកាសណែនាំរបស់រាជរដ្ឋាភិបាល និងក្រសួងសុខាភិបាល ក្រសួងអប់រំយុវជន និងកីឡា និងរបស់សាលារាជធានីភ្នំពេញ ក្នុងគោលបំណងទប់ស្កាត់និងការពារការរីករាលដាលជំងឺកូវីដ១៩ ។
នៅក្នុងសេចក្តីជូនតំណឹងផ្លូវការ ចេញដោយគណៈកម្មាធិការជាតិអូឡាំពិកម្ពុជា និងក្រសួងទេសចរណ៍នូវល្ងាចថ្ងៃទី២៥ ខែកុម្ភៈនេះ មានខ្លឹមសារថាគណៈកម្មាធិការជាតិអូឡាំពិកម្ពុជា និងក្រសួងទេសចរណ៍ សូមជម្រាបដល់កីឡាករ កីឡាការិនី និងអ្នកឧបត្ថម្ភគាំទ្រទាំងអស់ឲ្យបានជ្រាបថា ព្រឹត្តិការណ៍ ទេសចរណ៍ នៃទិវារត់ប្រណាំងកម្សាន្តស្រ្តី និងកីឡា លើកទី២ ដែលគ្រោងរៀបចំ ក្នុងថ្ងៃទិវាសិទ្ធិនារី ៨មិនា ឆ្នាំ២០២១ ត្រូវផ្អែកដោយសារជំងឺកូវីដ១៩ នៅមានវត្តមាននៅកម្ពុជា និងមានការរីករាលដាលខ្លាំង នៅក្នុងតំបន់ និងលើពិភពលោក ដូច្នោះដើម្បីការពារសុខភាព និងសុវត្ថិភាពរបស់កីឡាករ កីឡាការិនី និងអ្នកគាំទ្រ យើងគោរពតាមសេចក្តីប្រកាសណែនាំរបស់រាជរដ្ឋាភិបាល ក្រសួងសុខាភិបាល ក្រសួងអប់រំយុវជន និងកីឡា និងរបស់សាលារាជធានីភ្នំពេញ ។
ជាថ្មីម្តងទៀត ក្នុងនាមគណៈកម្មាធិការជាតិអូឡាំពិកម្ពុជា និងក្រសួងទេសចរណ៍ គោរពស្នើរដល់កីឡាករ កីឡាការិនី និងអ្នកឧបត្ថម្ភគាំទ្រទាំងអស់មានការយោគយល់ និងចូលរួមតាមសភាពការណ៍ជាក់ស្តែង នាថ្ងៃទី៨ ខែមិនា ឆ្នាំ២០២២ ។
សូមគោរពជូនពរ សុខភាពល្អ សុវត្ថិភាព និងចូលរួមគោលការណ៍ ៣ការពារ និង៣កុំ ឲ្យបានខ្ជាប់ខ្ជួន ៕