ឆ្លងចរន្តភ្លេីងឆេះរថយន្តស៊េរីទំនើបម៉ាក Ford Raptor ស្លាកលេខ កម្ពុជា CLMN 9899 មួយគ្រឿងនៅខណ្ឌដូនពេញ
អត្ថបទដោយ៖
Kien Sereyvuth
(ភ្នំពេញ)៖ មានរថយន្តស៊េរីទំនើបម៉ាក Ford Raptor ពណ៌ខ្មៅ ស្លាកលេខ កម្ពុជា CLMN 9899 មួយគ្រឿងបានឆ្លងចរន្តភ្លេីងឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលដល់អ្នកដំណេីរនិងសមត្ថកិច្ចចុះអន្តរាគមន៍កាលវេលាម៉ោង១៩:១០នាទីយប់ ថៃទី២៧ ខែកុម្ភៈ ឆ្នាំ២០២១ នៅចំណុចផ្លូវព្រះសីហនុ ភូមិ៤ សង្កាត់ចតុមុខ ខណ្ឌដូនពេញ។
យោងតាមប្រភពព័ត៌មានបានឲ្យដឹងថា ម្ចាស់រថយន្តមានឈ្មោះ ឈួ ប៊ុនរិទ្ធ ភេទប្រុស អាយុ ៥១ឆ្នាំ ជនជាតិខ្មែរ នៅសង្កាត់វាលវង់ ខណ្ឌ៧មករា មុខរបរគ្រូពេទ្យ ។
ចំពោះមូលហេតឆេះនេះគឺឆ្លងចរន្តប្រព័ន្ធភ្លេីងដែលបណ្ដាលឲ្យខូចខាតសម្ភារៈរថយន្ត ផ្នែកខាងមុខជាច្រេីន និងមិនបណ្តាលឲ្យគ្រោះថ្នាក់ដល់មនុស្ស ឬឆេះរាលដាល់ដល់ផ្ទះអ្នកជិតខាងឡេីយ។
ក្នុងប្រតិបត្តិការ បង្ការនិងពន្លត់អគ្គីភ័យឆាបឆេះរថយន្តនេះបានប្រើប្រាស់រថយន្តការិយា ល័យ អគ្គិភ័យ ០២គ្រឿង ប្រើប្រាស់ទឹកអស់ ១ឡាន ស្មេីនឹង ៤ម៉ែត្រ គូបនិងពន្លត់ចប់នៅវេលាម៉ោង១៩:៣០នាទីយប់៕ដោយ៖ ភារ៉ា និងប៊ុនធី