តំបន់ទេសភាពព្រៃលិចទឹកមេគង្គស្ថិតក្នុងចំណោមតំបន់ដែលមានប្រ័ន្ធអេកូឡូស៊ីធម្មជាតិទំនាបទន្លេធំៗក្នុងតំបន់អាស៊ីអាគ្នេយ៍
ដោយ៖ម៉ាដេប៉ូ
រាជធានីភ្នំពេញ៖តំបន់ទេសភាពព្រៃលិចទឹកមេគង្គគ្របដណ្ដប់លើផ្ទៃដីសរុបប្រមាណជា ២៧.០០០ គីឡូម៉ែតការ៉េ និងលាតសន្ធឹង ប្រវែងប្រមាណជា ១៨០ គីឡូម៉ែត។
បើតាមទំព័រហ្វេសប៊ុករបស់ក្រសួងបរិស្ថាននៅថ្ងៃទី២៤ខែមីនាឆ្នាំ២០២១នេះបានបញ្ជាក់ថា តាមដងទន្លេមេគង្គចាប់ពីខេត្តក្រចេះរហូតដល់ព្រំប្រទល់ឡាវ ជាតំបន់មួយក្នុងចំណោមតំបន់ដែលមានប្រ័ន្ធអេកូឡូស៊ីធម្មជាតិទំនាបទន្លេធំៗក្នុងតំបន់អាស៊ីអាគ្នេយ៍។
ក្រសួងបានបន្តឱ្យដឹងថាតាមការសិក្សាជីវៈចម្រុះទន្លេមេគង្គក្នុងខេត្តក្រចេះ និងស្ទឹងត្រែង ឆ្នាំ២០០៦-២០០៧ បានបង្ហាញថាតំបន់នេះមានវត្តមាន ថនិកសត្វធំៗចំនួន ១១ ប្រភេទ សត្វកង្កែបនិងល្មូន ៥៦ ប្រភេទ រុក្ខជាតិ ៦៣៨ និងប្រភេទត្រីដែលមានដើមកំណើតក្នុងស្រុកចំនួន ២២៣ ប្រភេទ។ តំបន់នេះជាតំបន់អេកូឡូស៊ីដែលផ្តល់ជាជម្រកធម្មជាតិដ៏សំខាន់សម្រាប់សត្វផ្សោតទន្លេមេគង្គរស់នៅសេសសល់៕
