អាជ្ញាធរជាតិអប្សរាសម្រេចបិទការទស្សនាប្រាសាទនានានិងផ្អាកការលក់សំបុត្រចូលទស្សនានៅក្នុងរម្មណីយ៍ដ្ឋានអង្គររយៈពេល១៤ថ្ងៃដើម្បីទប់ស្កាត់ការឆ្លងរាលដាលនៃជម្ងឺកូវីដ១៩
អត្ថបទដោយ៖
Hak Sarath
យោងតាមសេចក្តីជូនដំណឹងរួម របស់អាជ្ញាធរជាតិអប្សរាបានជូនដំណឹងនៅថ្ងៃទី៧ខែមេសានេះដល់ក្រសួង ស្ថាប័នជាតិ អន្តរជាតិ អាជ្ញាធរដែនដី មន្ទីរ-អង្គភាព សមាគមន៍មគ្គុទេសក៏ទេសចរណ៍ សមាគមន៍ដឹកជញ្ជូនភ្ញៀវទេសចរ ក្រុមហ៊ុនទេសចរណ៍ ភ្ញៀវជាតិ-អន្តរជាតិ សាធារណជនអោយបានជ្រាបថា យោងតាមសេចក្តីសម្រេចរបស់រាជារដ្ឋាភិបាលចុះថ្ងៃទី៦ខែមេសាឆ្នាំ២០២១ ស្តីពីការហាមឃាត់ការធ្វើដំណើរនិងការបិទរម្មណីយ៍ដ្ឋានទេសចរណ៍នៅទូទាំងប្រទេសជាបណ្តោះអាសន្ន ដើម្បីទប់ស្កាត់ការឆ្លងរាលដាលនៃជម្ងឺកូវីដ១៩ អាជ្ញាធរជាតិអប្សរានិងគ្រឹះស្ថានអង្គរនិងសម្រេចបិទការចូលទស្សនាប្រាសាទនានានិងផ្អាកការលក់សំបុត្រចូលទស្សនានៅក្នុងរម្មណីយ៍ដ្ឋានអង្គររយៈពេល១៤ថ្ងៃគិតចាប់ពីថ្ងៃទី៧ខែមេសាដល់ថ្ងៃទី២០ខែមេសាឆ្នាំ២០២១៕
Hak Sarath
ហាក់ សារ័ត្ន ជាអ្នករាយការណ៍ព័ត៌មាន, យកព័ត៌មាន, សរសេរអត្ថបទព័ត៌មាន, ផលិតបទយកការណ៍, ថត, កាត់ត, គ្រប់គ្រងផេក នៃកម្មវិធីព័ត៌មានអប្សរាណិត និងរៀបចំកិច្ចការរដ្ឋបាលទូទៅ។ បច្ចុប្បន្នកំពុងបម្រើការងារជាអ្នកសារព័ត៌មានក្នុងកម្មវិធីព័ត៌មានអប្សរាណិតនៃអគ្គនាយកដ្ឋានវិទ្យុនិងទូរទស្សន៍អប្សរា មានរយៈពេល២ឆ្នាំមកហើយ។