ប្រទេសអាស៊ាន មានការឆ្លងកូវីដ១៩ ជាង១ម៉ឺនករណី រយៈពេល២៤ម៉ោងចុងក្រោយ (Video Inside)
ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន១ម៉ឺន៦ពាន់៧៧៣ ករណី និងការស្លាប់ថ្មីមានចំនួន២៧០នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសារុប ចំនួន១៨១ករណី ក្នុងនោះការឆ្លងចូលក្នុងសហគមន៍មានចំនួន១៧៨ករណី, ការឆ្លងលើអ្នកដំណើរមកពីក្រៅ ប្រទេសចំនួន២ករ ណី, និងឆ្លងលើពលករមកពីប្រទេសថៃចំនួន១ករណី។ កម្ពុជានៅក្នុងរយ:ពេល២៤ម៉ោង ចុងក្រោយនេះ មានការ ស្លាប់ថ្មីចំនួន៣នាក់ដែលនាំឲ្យការស្លាប់សារុបមានចំនួន៣៣នាក់ហើយ។
កម្ពុជាគិតត្រឹមថ្ងៃទី១៣ ខែមេសា ឆ្នាំ២០២១នេះ ការឆ្លងសរុបមានចំនួន៤ពាន់៦៩៦ករណី, ចំណែកការព្យាបាល ជាសះស្បើយមាន ចំនួនសារុប២ពាន់២៥២នាក់ រួមទាំងការព្យាបាលជាសះស្បើយ៤០នាក់ ក្នុងរយៈពេល២៤ ម៉ោងចុងក្រោយនេះ។
ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុងក្រោយនេះនៅអាស៊ាន ក្រៅពីប្រទេសកម្ពុជា នៅមានប្រទេសចំនួន៨ទៀត ក្នុងនោះគឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, សឹង្ហបុរី, ថៃ, មីយ៉ាន់ម៉ា, ឡាវ និង វៀតណាម។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន៤ប្រទេស គឺប្រទេស ឥណ្ឌូណេស៊ី, ហ្វីលីពីន, កម្ពុជា, និងប្រទេសម៉ាឡេស៊ី។