អាមេរិក៖ សេតវិមានបានបញ្ជាក់នៅក្នុងសេចក្តីថ្លែងការណ៍នៅថ្ងៃ ពុធ នេះថា សហរដ្ឋអាមេរិកកំពុងបញ្ជូនជំនួយគិតជាទឹកប្រាក់ជាង ១០០ លានដុល្លារដល់ឥណ្ឌា សំដៅជួយប្រយុទ្ធប្រឆាំងនឹងការកើនឡើងយ៉ាងគំហុក នៃវីរុសកូវីដ១៩ ។
បើតាមសេតវិមាននោះ សហរដ្ឋអាមេរិកក៏បានយល់ព្រមបញ្ជូនវ៉ាក់សាំងបង្ការជំងឺកូវីដ១៩របស់ក្រុមហ៊ុន អាស្រ្តាហ្សេណេកា ដែលខ្លួនស្ដុកទុកឱ្យឥណ្ឌាផងដែរ ដោយឥណ្ឌាអាចនឹងទទួលបានជាង២០លានដូស ។
បើតាមសេចក្តីថ្លែងការណ៍ខាងលើនេះ ជំនួយរបស់សហរដ្ឋអាមេរិកនឹងត្រូវទៅដល់ប្រទេសឥណ្ឌា នៅថ្ងៃព្រហស្បតិ៍នេះ ហើយនឹងបន្តមកដល់ជាបន្តបន្ទាប់នៅសប្ដាហ៍ក្រោយ ។ ជំនួយទំាងនេះ ក្នុងនោះរួមមានអុកស៊ីសែន១ពាន់បំពង់ ម៉ាសN95ចំនួន១៥លានម៉ាស និងឧបករណ៍ធ្វើតេស្ដរហ័សមួយលានគ្រឿង ៕ ប្រភព៖ CNA