អាមេរិកឲ្យវ៉ាក់សាំងកូវីដទៅឥណ្ឌា តម្លៃជាង១០០លានដុល្លារ ស្មើនឹងជាង២០លានដូស
សហរដ្ឋអាមេរិកបានប្រកាសបញ្ជូនវ៉ាក់សាំងបង្ការជំងឺកូវីដ១៩ ទៅឲ្យប្រទេសឥណ្ឌាចំនួន ជាង២០លានដូស មានតម្លៃជាង១០០លានដុល្លារអាមេរិក ដើម្បីជួយដល់ឥណ្ឌាដែលកំពុងដុនដាបខ្លាំងលើបញ្ហាជំងឺកូវីដ១៩ នេះបើតាមសេតវិមានប្រកាស នៅថ្ងៃទី២៩ មេសា ២០២១នេះ។
សេចក្តីថ្លែងការរបស់សេតវិមានថា ការផ្គត់ផ្គង់ដែលនឹងចាប់ផ្តើមបញ្ជូនដល់ឥណ្ឌា នាថ្ងៃស្អែកនេះ និងបន្តទៅសប្តាហ៍ក្រោយទៀតនផះ រួមបញ្ជូលទាំងម៉ាស៊ីនអ៊ុកស៊ីសែន ១០០០គ្រឿង ម៉ាស N95 ចំនួន១៥លានម៉ាស់ ឧបករណ៍តេស្តរហ័ស ចំនួន១លានឈុតទៀតដែរ។
គួរបញ្ជាក់ថា ចំនួនមនុស្សស្លាប់ដោយសារជំងឺកូវីដ១៩ នៅប្រទេសឥណ្ឌាបានកើនឡើងដល់ជាង២០ម៉ឺននាក់ហើយ គិតត្រឹមថ្ងៃនេះ ខណៈដែលឥណ្ឌាខ្វះខាតខ្លាំងចំពោះគ្រែព្យាបាល និងម៉ាស៊ីនអ៊ុកស៊ីសែន៕
