រដ្ឋបាលរាជធានី បានធ្វើសន្និសីទកាសែតមួយក្រោយការកំណត់តំបន់ក្រហម, តំបន់លឿងទុំ និងតំបន់លឿង សាជាថ្មីក្រោយសេចក្តីសម្រេចបន្តបិទតំបន់ប្រឈមហានិភ័យឆ្លងទាំងនោះ រយៈពេល៧ថ្ងៃបន្តទៀត។ តំបន់ ក្រហមដែលបានគូសបញ្ជាក់ដោយរដ្ឋបាលរាជធានី ត្រូវគេឃើញថាមាននៅក្នុងភូមិនិងសង្កាត់ខ្លះ ក្នុងខណ្ឌ ចំនួន៦ គឺខណ្ឌ៧មករា, ខណ្ឌទួលគោក, ខណ្ឌមានជ័យ, ខណ្ឌឫស្សីកែវ, ខណ្ឌពោធិ៍សែនជ័យ និង ខណ្ឌច្បារអំពៅ។