ភ្នំពេញ៖ គិតមកដល់ពេលនេះ មានគណបក្សនយោបាយចំនួន ៤ហើយ ដែលចុះបញ្ជី ដើម្បីត្រៀម ជ្រើសរើស ក្រុមប្រឹក្សាក្រុងបូកគោ នៃខេត្តកំពត ក្នុងនោះមាន គណបក្សប្រជាជនកម្ពុជា គណបក្សសញ្ជាតិកម្ពុជា គណបក្សយុវជនកម្ពុជា និងគណបក្សហ្វ៊ុនស៊ិនប៉ិច។

បើតាមសេចក្តីប្រកាសព័ត៌មាន របស់គណៈកម្មាធិការជាតិរៀបចំការបោះឆ្នោត នៅថ្ងៃទី១០ ខែឧសភា ឆ្នាំ២០២១ បានអោយដឹងថា ក្នុងចំណោម៤គណបក្សនយោបាយ គ.ជ.ប ទទួលស្គាល់តែ៣គណបក្សសិនប៉ុណ្ណោះ ចំណែកឯគណបក្សហ៊្វុនស៊ីនប៉ិច គ.ជ.ប នឹងពិនិត្យលើពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត ដោយមិនអោយលើសពី៥ថ្ងៃ។

សូមបញ្ជាក់ថាការប្រព្រឹត្តទៅ នៃការប្រកួតប្រជែងការបោះឆ្នោតជ្រើសរើសក្រុមប្រឹក្សាក្រុងបូកគោ នឹងប្រព្រឹត្តទៅ នាថ្ងៃទី២៥ ខែកក្កដា ឆ្នាំ២០២១៕