សេចក្តីរាយការណ៍បានបញ្ជាក់អោយដឹងថាហេតុការណ៍នោះបានកើតឡើងកាលពីវេលាម៉ោង៦យប់ថ្ងៃទី១០ ខែឧសភា ឆ្នាំ២០២១ នៅចំណុចដីឡូតិ៍ចាក់ដីថ្មី ភូមិជំនាប់ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។ សមត្ថកិច្ចបានអោយដឹងថាបុរសដែលត្រូវបានរន្ទះបាញ់ស្លាប់នៅក្នុងកញ្ចុះចាំដីឡូតិ៍មានឈ្មោះ បាន សំពុត្តសី អាយុ៣២ឆ្នាំ មានស្នាក់នៅភូមិដំបង់វិញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ជាកម្មករចាំដីឲ្យគេ។ ក្រោយពីពិនិត្យរួចសមត្ថកិច្ចបានប្រគល់សពជូនសាច់ញាតិយកទៅធ្វើបុណ្យតាមប្រពៃណី ។ ក្រសួងធនធានទឹកនិងឧតុនិយម បាន ដាស់តឿនប្រជាពលរដ្ឋទាំងអស់ត្រូវប្រុងប្រយ័ត្ន ចំពោះបាតុភូតផ្គររន្ទះ និងខ្យល់កន្រ្តាក់បន្តថែមទៀតក្នុងសប្តាហ៍នេះ។