ស្វីស៖ អង្គការសុខភាពពិភពលោក (WHO) បានចាត់ចំណាត់ថ្នាក់វីរុសបំប្លែងខ្លួនថ្មី ដែលត្រូវបានរកឃើញដំបូងនៅក្នុងប្រទេសឥណ្ឌាកាលពីឆ្នាំមុនថា ជាវីរុសថ្មីដែលគួរឲ្យព្រួយបារម្ភកម្រិតសកល ។
ជាមួយគ្នានេះ អង្គការសុខភាពពិភពលោក WHO ក៏បានប្រកាសអាសន្នអំពីវីរុសដែលត្រូវបានរកឃើញដំបូងគេនៅក្នុងប្រទេសឥណ្ឌា ដែលឥឡូវនេះកំពុងឆ្លងរាលដាលពាសពេញពិភពលោកផងដែរ ខណៈការសិក្សាបឋមបង្ហាញថា វីរុសនេះមានសមត្ថភាពចម្លងកាន់តែលឿន និងសាហាវជាងទម្រង់ផ្សេងៗ ។
បើតាមប្រធានផ្នែកដឹកនាំការប្រយុទ្ធប្រឆាំងនឹង COVID-19 របស់អង្គការសុខភាពពិភពលោក WHO លោក Maria Van Kerkove បានប្រាប់អ្នកសារព័ត៌មានថា មានព័ត៌មានខ្លះបង្ហាញថា វីរុសនេះអាចឆ្លងកាន់តែលឿន និងងាយ ហើយខ្លះទៀតក៏មានភាពធន់នឹងវ៉ាក់សាំងងផងដែរ… ដូច្នេះយើងចាត់ថ្នាក់វីរុសនេះ ជា ប្រភេទវីរុសថ្មីដែលគួរឲ្យបារម្ភកម្រិតសកល ៕ ប្រភព៖ Reuters