ប្រទេស Portugal គឺជាបេក្ខភាពធ្វើជាម្ចាស់ផ្ទះ ការប្រកួតវគ្គផ្តាច់ព្រ័ត្រ Champions League
បើតាមការចុះផ្សាយរបស់ BBC Sport នៅថ្ងៃនេះ បានអោយដឹងថា សហព័ន្ធកីឡាបាល់ទាត់ទ្វីបអឺរ៉ុប ហៅថា Uefa បានបើកកិច្ចប្រជុំ កាលពីថ្ងៃច័ន្ទ ដើម្បីពិភាក្សាអំពីការផ្លាស់ប្តូរ ការប្រកួតរវាងក្រុមតោខៀវ Chelsea និង Manchester City ពីទីក្រុង Istanbul ។
Uefa បានសំរេចថា នឹងត្រូវផ្លាស់ប្តូរបន្ទាប់ពី Turkey ត្រូវបានដាក់ក្នុងបញ្ជីធ្វើដំណើរក្រហមរបស់អង់គ្លេសមានន័យថាអ្នកគាំទ្រ មិនអាចធ្វើដំណើរទៅចូលរួមបានទេ ។
គួរបញ្ជាក់ថា ប្រទេស Portugal ស្ថិតនៅក្នុងបញ្ជីបៃតង ដូច្នេះអ្នកគាំទ្រនឹងត្រូវបានអនុញ្ញាតឱ្យចូលរួមនៅថ្ងៃទី២៩ ខែឧសភា ។ ការប្រកួតអាចលេងនៅ Wembley ប៉ុន្តែវានឹងតម្រូវឱ្យមានការផ្លាស់ប្តូរដ៏ធំមួយ ពីរដ្ឋាភិបាល ដែលរហូតមកដល់ពេលនេះមិនបានឈានដល់កិច្ចព្រមព្រៀងជាមួយ Uefa ។ គណៈគ្រប់គ្រងបាល់ទាត់អឺរ៉ុប បានអោយដឹងថា ប្រទេសព័រទុយហ្កាល់ វានឹងមានភាពងាយស្រួល ក្នុងការទទួលបានអ្នកឧបត្ថម្ភ និងអ្នកផ្សាយដែលនឹងត្រូវទទួលបានសំណងប្រសិនបើពួកគេមិនអាចចូលរួមក្នុងការប្រកួតនេះ ៕