អ្នកជំងឺកូវីដ-១៩ នៅខេត្តកំពង់ចាម ចំនួន៣០នាក់ បានជាសះស្បើយ
នៅថ្ងៃទី១៤ ខែឧសភា ឆ្នាំ២០២១ អ្នកជំងឺកូវីដ-១៩ ចំនួន៣០នាក់ បានជាសះស្បើយ ក្នុងនោះ នៅស្រុកកងមាស ចំនួន ១៣នាក់, ស្រុកកំពង់សៀម ចំនួន ០២នាក់, ស្រុកបាធាយចំនួន ០៤នាក់, ស្រុកស្រីសន្ធរចំនួន ០៧ នាក់ និងស្រុកចំការលើចំនួន ០៤នាក់។ ដោយមានការខិតខំប្រឹងប្រែងពីសសំណាក់ក្រុមគ្រូពេទ្យនៅមន្ទីរពេទ្យមេគង្គកំពង់ចាម អ្នកជំងឺកូវីដ-១៩ ចំនួន ៣០នាក់ ត្រូវបានព្យាបាលជាសះស្បើយដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន ០២លើក និងត្រូវបានអនុញ្ញាតឱ្យចេញពីមន្ទីរពេទ្យមេគង្គកំពង់ចាម និងបន្តធ្វើចត្តាឡីស័ក រយ:ពេលពីរសប្តាហ៍នៅតាមផ្ទះបន្ថែមទៀត។
គួរបញ្ជាក់ថា គិតត្រឹមថ្ងៃទី១៤ ខែឧសភា ឆ្នាំ២០២១ ខេត្តកំពង់ចាម មានអ្នកជំងឺកូវីដ ១៩ ក្នុងព្រឹត្តិការណ៍សហគមន៍ ២០កុម្ភ: សរុបចំនួន ២០០នាក់ មានអ្នកជាសះស្បើយចំនួន ៦១នាក់ និងមានអ្នកស្លាប់ចំនួន ២នាក់៕
ប្រភព៖ រដ្ឋបាលខេត្តកំពង់ចាម
