អាងស្តុកទឹកកំពីងពួយ ខេត្តបាត់ដំបង ដែលមានសមត្ថភាពស្រោចស្រពដំណាំប្រជាពលរដ្ឋច្រើនម៉ឺនហិចតា ត្រូវបានរាជរដ្ឋាភិបាលសម្រេចកសាងជួសជុលស្តាកែលម្អ បន្ទាប់ពីរងការខូចខាតដោយសារទឹកជំនន់កន្លងមកនេះ។ មន្ត្រីជំនាញធនធានទឹក កាលពីចុងសប្តាហ៍មកនេះ បានចុះពិនិត្យ និងគ្រោងពង្រីកឱ្យកាន់រឹងមាំ ដើម្បីស្តុកទឹកសម្រាប់ផ្គត់ផ្គង់ដំណាំស្រូវប្រាំងប្រជាពលរដ្ឋ យ៉ាងហោចអោយបានប្រមាណ១២ម៉ឺនហិកតា។