យោងតាមក្រសួងអប់រំ នៅថ្ងៃទី១៥មិថុនាឆ្នាំ២០២១ បានឲ្យដឹងថា គណៈកម្មការសម្ពន្ធ័សកលវិទ្យាល័យពិភពលោកដែលជាអ្នករៀបចំការវាយតម្លៃប្រចាំឆ្នាំនៃចំណាត់ថ្នាក់សាកលវិទ្យាល័យកម្រិតពិភពលោក (WURI 2021/ The World’s Universities Ranking with Real Impact 2021) បានប្រកាសផ្តល់ចំណាត់ថា្នក់សាកលវិទ្យាល័យជាតិគ្រប់គ្រង របស់ប្រទេសកម្ពុជាចូលក្នុងលំដាប់៥០ Top 50 Univrrsity Ranking លើកម្មវិធីសិក្សា៣ប្រភេទដែលសម្រេចបាននូវនវានុវត្តឆ្នើម។ ការវាយតម្លៃនេះគឺ ទី១ ទៅលើកម្មវិធីសិក្សាសហគ្រិនភាព (Entrepreneurial Spirit) សាកលវិទ្យាល័យជាតិគ្រប់គ្រង ជាប់ចំណាត់ថ្នាក់ទី២៦ក្នុងចំណោម៥០, ទី២ លើកម្មវិធីសិក្សាបណ្តុះតម្លៃសីលធម៌សង្គម (Ethical Value) ជាប់ចំណាត់ថ្នាក់ទី៣៧ និង លើកម្មវិធីគ្រប់គ្រងក្នុងពេលមានវិបត្តិ (Crisis Managment) សាកលវិទ្យាល័យជាតិគ្រប់គ្រង ជាប់ចំណាត់ថ្នាក់ទី៣៣
ក្នុងចំណោមសកលវិទ្យាល័យល្បីៗលើពិភពលោក។