អ្នកដែលដែលធ្លាប់បានទៅហាងកាហ្វេស៊ីក្លូ ទួលទំពូង ត្រូវប្រញាប់ធ្វើចត្តាឡីស័ក និងតាមដានសុខភាព
អត្ថបទដោយ៖
Kien Sereyvuth
អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី១៥មិថុនាឆ្នាំ២០២១ បានជូនដំណឹងថា មានអ្នកជំងឺកូវីដ-១៩ បានទៅអង្គុយញ៉ាំកាហ្វេនៅហាងកាហ្វេស៊ីក្លូ (Cyclo Cafe) សាខាទួលទំពូង ដែលមានទីតាំងស្ថិតនៅ ផ្លូវលេខ១៥៥កែង២៣៦ សង្កាត់ទួលទំពូង ខណ្ឌបឹងកេងកង នៅថ្ងៃទី៩មិថុនា ឆ្នាំ២០២១ និងនៅម៉ោង២តសៀលថ្ងៃទី១០មិថុនាឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនោះ។
