ជប៉ុនឲ្យវ៉ាក់សាំងកូវីដ១៩ ដល់វៀតណាមជិត១លានដូស
ជំនួយវ៉ាក់សាំងកូវីដ១៩របស់ជប៉ុន ជិត១លានដូសត្រូវបានបញ្ជូនដល់ប្រទេសវៀតណាមហើយ កាលពីម្សិលមិញ។
ទីភ្នាក់ងារសារព័ត៌មាន Vietnamexpress បានចេញផ្សាយថា វ៉ាក់សាំងកូវីដ១៩ ចំនួន៩៦៦៣២០ដូស ដែលជាជំនួយរបស់ជប៉ុនជូនវៀតណាម ត្រូវបានបញ្ជូនដល់ក្រុងហាណូយហើយ កាលពីថ្ងៃទី១៦ មិថុនា ២០២១ ដោយត្រូវបន្តបញ្ជូនទៅទីតាំងចាក់ នៅហូជីមិញ នាថ្ងៃទី១៧ មិថុនានេះ។ វ៉ាក់សាំងជាជំនួយប្រភេទ AstraZeneca នេះគឺសម្រាប់ឲ្យក្រុងហូជីមិញ ចាក់ជូនក្រុមអាទិភាព។
ប្រភពបន្តថា គិតត្រឹមថ្ងៃព្រហស្បតិ៍ទី១៧ មិថុនានេះ មនុស្សប្រមាណ១លាន៧៧ម៉ឺននាក់ត្រូវបានចាក់វ៉ាក់សាំងកូវីដ១៩ ខណៈភាគច្រើនគឺជាក្រុមជួរមុខ ក្នុងនោះ មានជាង៧ម៉ឺន២ពាន់នាក់បានចាក់ដូសទី២ហើយ៕
