DOYDOY ជាឈ្មោះនៃសម្ភារក្មេងលេងមួយប្រភេទបង្កើតឡើងដោយសហគ្រិនវ័យក្មេងមួយរូប ជាមួយនឹងការបូកបញ្ចូលទ្រឹស្តីបែបវិទ្យាសាស្ត្រ បច្ចេកវិទ្យា វិស្វកកម្ម សិល្បៈ និងគណិតវិទ្យា (STEAM)ដែលអនុញ្ញាតឱ្យកុមារកំសាន្ត  និងរៀនសូត្រក្នុងពេលតែមួយ។

អាជីវកម្មកម្រក្នុងស្រុក ដែលមានសមត្ថភាពប្រកួតប្រជែងជាមួយបរទេសនេះ បានធ្វើឱ្យលោក ឯម ច័ន្ទរិទិ្ធកុរ ខិតខំប្រឹងយ៉ាងខ្លាំងក្នុងការផលិតផលដើម្បីជួយកុមារ និងយុវជនកម្ពុជាឱ្យធំធាត់ឡើងដោយមានភាពវ័យឆ្លាត មានភាពឆ្នៃប្រឌិត ព្រមទាំងរឹងមាំ។ ក្តីស្រមៃរបស់លោកគឺ ចង់ឃើញ ពួកគាត់អាចមានអនាគតភ្លឺស្វាងក្នុងដំណើរជីវិត។