(តូក្យូ)៖ ក្រុមអត្តពលិកសហរដ្ឋអាមេរិក រកបានមេដាយសរុប១១៣គ្រឿងច្រើនជាងគេ ខណៈក្រុមប្រទេសចិន លេខ២ នៃតារាង មេដាយសរុប នៅ Tokyo Olympic 2020 ប្រទេសជប៉ុន ដែលនឹងបញ្ចប់កាលពីថ្ងៃទី៨ ខែសីហា ឆ្នាំ២០២១ ម្សិលមិញ ។

សហរដ្ឋអាមេរិក ឈរលេខ១ ដោយដណ្តើមបានមេដាយសរុប១១៣ គ្រឿង មាស៣៩ ប្រាក់៤១ និងសំរិទ្ធ៣៣ លេខ២ ចិន ដណ្តើមបានមេដាយសរុប ៨៨គ្រឿង មាស៣៨ ប្រាក់៣២ និងសំរិទ្ធ១៨ លេខ៣ ម្ចាស់ផ្ទះជប៉ុន មេដាយសរុប៥៨ មាស២៧ ប្រាក់១៤ និងសំរិទ្ធ១៧ លេខ៤ អង់គ្លេស មេដាយសរុប៦៥ មាស២២ ប្រាក់២១ និងសំរិទ្ធ២២ លេខ៥ រុស្ស៊ី មេដាយសរុប៧១ មាស២០ ប្រាក់២៨ និងសំរិទ្ធ២៣ ។

ចំណែកឯមេដាយប្រទេសតំបន់អាស៊ាន ហ្វីលីពីនឈរលេខ១ ដណ្តើមបានមេដាយសរុប ៤គ្រឿង មាស១ ប្រាក់២ និងសំរិទ្ធ១ លេខ២ ឥណ្ឌូនេស៊ី មេដាយសរុប ៥គ្រឿង មាស១ ប្រាក់១ និងសំរិទ្ធ៣ ថៃលេខ៣ មេដាយសរុប២គ្រឿង មាស១ និងសំរិទ្ធ១ លេខ៤ម៉ាឡេស៊ី មេដាយសរុប២គ្រឿង ប្រាក់១ និងសំរិទ្ធ១ ៕