វៀតណាមជំរុញការផលិតរថយន្តអគ្គិសនីក្នុងប្រទេសច្រើន ជាមួយនឹងការកាត់ថ្លៃចុះបញ្ចី
ក្រសួងសេដ្ឋកិច្ចវៀតណាមបានឲ្យដឹងថា តម្លៃចុះបញ្ជីរថយន្តអគ្គិសនីត្រូវតែថោកជាងរថយន្តប្រើប្រាស់សាំងពាក់កណ្តាល ដើម្បីជាការលើកទឹកចិត្តឲ្យមានការប្រើប្រាស់រថយន្តអគ្គិសនី នេះបើតាមការចេញផ្សាយរបស់ទីភ្នាក់ងារសារព័ត៌មាន VNexpress កាលពីថ្ងៃទី១០ សីហា។
ប្រភពថា តម្លៃបច្ចុប្បន្ននេះជាមួយនឹងរថយន្តតិចជាង៩កៅអី គឺពី១០ទៅ១៥ភាគរយ ប៉ុន្តែក្រសួងចង់ឲ្យតម្លៃសម្រាប់រថយន្តអគ្គិសនីមានត្រឹមពី៥ទៅ៧.៥ភាគរយ ដោយតម្លៃបែបនេះនឹងមានសពុលភាព៥ឆ្នាំ។ កាលពីខែឧសភា ក្រុមហ៊ុនផលិតរថយន្តដ៏ធំរបស់វៀតណាម Vingroup បានស្នើសុំឲ្យមានការបន្ធូរបន្ថយពន្ធនិងតម្លៃចុះបញ្ជីផ្សេងៗ ខណៈដែលខ្លួនប្រុងប្រៀបខ្លួនចាប់ផ្តើមលក់រថយន្តអគ្គិសនី នៅឆ្នាំ២០២១នេះ។ រថយន្តប្រភេទ VinFast របស់ខ្លួន ជាផលិតផកម្មរថយន្តអគ្គិសនីតែមួយគត់នៅវៀតណាមនេះ ដាក់ផែនការផលិតរថយន្តប្រចាំឆ្នាំ ២៥ម៉ឺនគ្រឿង។
រថយន្តអគ្គិសនីដំបូងរបស់ក្រុមហ៊ុននេះ ដែលមានតម្លៃប្រមាណ៥៩០លានដុង ឬ២៥៧០០ដុល្លារអាមេរិកនឹងចាប់ផ្តើមចែកចាយហើយ ក្នុងខែវិច្ឆិកាខាងមុខនេះ នេះបើតាមប្រភពដដែល៕