Messi មិនពាក់អាវលេខ១០ ដែល Neymar ឲ្យទេ ពាក់លេខ៣០វិញ
អត្ថបទដោយ៖
លន់ សារ៉ាត
សម្រាប់វត្តមានរបស់ Messi នៅក្លឹប PSG កីឡាករ Messi ត្រូវបានផ្តល់ជម្រើសឲ្យពាក់អាវលេខ១០ ដែលកីឡាករប្រេស៊ីល Neymar កំពុងពាក់ ហើយ Neymar ក៏ព្រមប្រគល់ជូនដែរ ក្នុងនាមមិត្តល្អ ប៉ុន្តែ Messi មិនទទួលទេ គឺសុខចិត្តពាក់អាវលេខ៣០វិញ។
តាមប្រភពព័ត៌មាន Get French Football News បានឲ្យដឹងថា Messi ធ្លាប់ពាក់អាវលេខ៣០ កាលពីប្រកួតក្នុងនាមជាកីឡាករអាជីពនៅក្លឹបមួយ ក្នុងឆ្នាំ២០០៤ ហើយបន្តពាក់២ឆ្នាំ ទើបប្តូរមកលេខ១៩វិញ ដោយគេដឹងថា លេខ៣០ ក៏ជាលេខចំណូលចិត្តគេដែរ អាចចង់ទៅរកចំណូលចិត្តដើមវិញ។
នៅក្នុងកម្មវិធីទទួលស្វាគមន៍នៅក្លឹបយក្ស PSG នៅបារាំង នាថ្ងៃទី១១ សីហានេះ Messi បានលើកឡើងត្រង់ៗតែម្ដងថា គោលបំណង និងក្ដីសុបិនខ្លួនមកកាន់ក្លឹប PSG នេះគឺដើម្បីចង់ឈ្នះពាន UEFA Champions League ម្ដងទៀត៕
![](https://asset.ams.com.kh/central/media/FB_IMG_1628684928425.jpg)
![](https://asset.ams.com.kh/central/media/FB_IMG_1628684932473.jpg)
![](https://asset.ams.com.kh/central/media/FB_IMG_1628684935703-1024x683.jpg)
![](https://asset.ams.com.kh/central/media/FB_IMG_1628684938035.jpg)
![](https://asset.ams.com.kh/central/media/FB_IMG_1628684940338.jpg)
![](https://asset.ams.com.kh/central/media/Screenshot_20210811-193017_Facebook.jpg)
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ