ភ្លៀងមួយសប្តាហ៍ខាងមុខនេះ នឹងធ្លាក់ច្រើនជាងសប្តាហ៍មុន (Video Inside)
ភ្លៀងក្នុងមួយសប្តាហ៍ទៅមុខទៀតនេះ នឹងបន្ដធ្លាក់ច្រើនជាងសប្តាហ៍ខណៈកម្ពុជា ទទួលរងនូវឥទ្ធិពលពីជ្រលង សម្ពាធទាបឥណ្ឌាក្នុងកម្រិតខ្លាំង និងការរំពឹងអាចកើតឡើងនូវជ្រលងសម្ពាបទាប ITCZ សារជាថ្មីថែមទៀត ។
យោងតាមការព្យាករណ៍របស់ក្រសួងធនធានទឹកនិងឧតុនិយម រវាងពីថ្ងៃទី២៥ រហូតដល់ថ្ងៃទី៣១ ខែសីហា ឥទ្ធិពលនេះ នឹងធ្វើឱ្យបណ្តាខេត្តនៅតំបន់វាលទំនាបកណ្ដាល អាចនឹងមានភ្លៀងធ្លាក់រាយប៉ាយនៅក្នុងកម្រិតពី មធ្យមទៅខ្លាំង និងមានលាយឡំទៅដោយ ផ្គរ រន្ទះ និងខ្យល់កន្ត្រាក់ ។
ចំណែកបណ្តាខេត្តជាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងធ្លាក់ក្នុងកម្រិតពីមធ្យមទៅច្រើនផង ដែរ លាយឡំទៅដោយផ្គរ រន្ទះ និងខ្យល់កន្ត្រាក់។
នៅតំបន់មាត់សមុទ្រនោះវិញ, ឥទ្ធិពលនេះ ក៏នឹងធ្វើឲ្យមានភ្លៀងធ្លាក់ក្នុងកម្រិតពីមធ្យមទៅច្រើនផងដែរ។ នៅ លើផ្ទៃសមុទ្រអាចមានភ្លៀងធ្លាក់ច្រើន និងមានរលកសមុទ្រកម្រិតមធ្យម ។
ការព្យាករណ៍សីតុណ្ហភាពកម្ដៅអតិបរមា ក្នុងសប្ដាហ៍ទៅមុខទៀតនេះ នឹងមានរវាងពី៣២ ទៅ៣៦ អង្សាសេ។ ក្រសួងធនធានទឹក និងឧតុនិយម បានអំពាវនាវដាស់តឿនដល់ពលរដ្ឋ ត្រូវប្រុងប្រយ័ត្នចំពោះ បាតុភូតភ្លៀង ផ្គរ រន្ទះ ខ្យល់កន្ត្រាក់ និងរលកសមុទ្រ៕
