នាយករដ្ឋមន្ត្រីវៀតណាម Pham Minh Chinh
បានស្នើឲ្យក្រសួងនានាចាក់វ៉ាក់សាំងកូវីដដល់កុមារ ដូច្នេះ ឆ្នាំសិក្សាថ្មីនឹងចាប់ផ្តើមដោយសុវត្ថិភាព នេះបើតាមការចេញផ្សាយរបស់ទីភ្នាក់ងារព័ត៌មាន VNexpress។

លោកបានស្នើបែបនេះកាលពីថ្ងៃទី២៨ សីហា ដោយលោកបន្ថែមទៀតថា រដ្ឋាភិបាលនឹងដាក់ចេញគោលនយោបាយនានា ធានាថា ឆ្នាំសិក្សាថ្មីចាប់ផ្តើមដោយសុវត្ថិភាពដោយសារការចាក់វ៉ាក់សាំង។

លោកបានស្នើឲ្យក្រសួងសុខាភិបាលកំណត់យកវ៉ាក់សាំងប្រភេទអ្វីចាក់ជូនកុមារ អាយុ១២ឆ្នាំ ឬលើសនេះ ហើយសម្រាប់កុមារវ័យក្រោមនេះទៀត ប្រសិនបើចាក់បាន ក្រសួងគួរចាំបាច់រកច្រកចេញ ដើម្បីធ្វើរឿងនេះ។ ក្រសួងអប់រំត្រូវសហការជាមួយក្រសួងអប់រំ ដើម្បីជួយលើកិច្ចការចាក់វ៉ាក់សាំងឲ្យកុមារនេះ។

វៀតណាមកំពុងចាក់វ៉ាក់សាំង ភាគច្រើន Astrzeneca ជូនពលរដ្ឋ វ័យ១៨ឆ្នាំឡើង តែគេក៏មានវ៉ាក់សាំងអាមេរិកនិងវ៉ាក់សាំងចិន ក្នុងដៃដែរ៕