គ្រោះធម្មជាតិខ្យល់កន្ត្រាក់ និងរន្ទះបាញ់រយៈពេល៨ខែដើមឆ្នាំនេះ បានបណ្តាលឱ្យមនុស្សស្លាប់និងរបួសជិត  ២០០នាក់ និងបង្កការខូចខាតផ្ទះសម្បែង, សំណង់ផ្សារ, សាលារៀននិងសំណង់អគាររដ្ឋ បូកសរុបជាងពាន់ ខ្នង។

មន្ត្រីគណៈកម្មាធិការជាតិគ្រប់គ្រងគ្រោះមហន្តរាយ លោក ឃុន សុខា បានបញ្ជាក់នៅថ្ងៃទី០៨ កញ្ញានេះ ថា ក្នុងរយៈពេល៨ខែឆ្នាំនេះ គ្រោះធម្មជាតិខ្យល់កន្ត្រាក់បានកើតឡើងចំនួន១៧៩លើក បណ្តាលឱ្យ រលំផ្ទះ​ចំនួន ៨៣៧ខ្នង របើកដំបូលផ្ទះចំនួន ៦ពាន់៥៦៦ខ្នង ,ប៉ះពាល់សាលារៀន៣៧ខ្នង, តូបផ្សារ ១០៩តូប, អគារ រដ្ឋបាល ២២ខ្នង, បង្កការស្លាប់មនុស្ស៥នាក់ និងរបួស៦៧នាក់។

ក្នុងរយៈពេល៨ខែដើមឆ្នាំនេះផងដែរ, គ្រោះ រន្ទះបាញ់ បានកើតឡើងចំនួន៨៥លើក, បណ្តាលឱ្យខូចផ្ទះចំនួន៧ខ្នង, ស្លាប់មនុស្ស៦៧នាក់, របួស៤២នាក់ និងងាប់គោក្របី៤០ក្បាល។