វៀតណាមបានកាដូរវ៉ាក់សាំង២.៦លានដូសទៀត ពីអាល្លឺម៉ង់
វ៉ាក់សាំងប្រភេទ Astrazeneca ចំនួន២.៦លានដូសទៀត ដែលជាជំនួយរបស់អាល្លឺម៉ង់ជូនវៀតណាមនោះ ត្រូវបានដឹកដល់ហូជីមិញហើយ កាលពីពេលថ្មីៗនេះ។
នេះគឺជាអំណោយវ៉ាក់សាំងជើងទី២ របស់អាល្លឺម៉ង់ជូនវៀតណាម ពោលគឺបន្ទាប់ពីផ្តល់ជូន ជើងមុន មានជាង៨៥ម៉ឺនដូស តាមរយៈយន្តការកូវ៉ាក់ បញ្ជូនដល់ហាណូយ កាលពីថ្ងៃទី១៦ កញ្ញា។
ក្នុងចំណោមបណ្តាប្រទេសជាសមាជិករបស់អឺរ៉ុប ដែលផ្តល់ជំនួយវ៉ាក់សាំងជូនវៀតណាម អាល្លឺម៉ង់នេះហើយដែលជាប្រទេសផ្តល់ជំនួយវ៉ាក់សាំងច្រើនជាងគេ ឲ្យវៀតណាមនោះ។ សមាជិកអឺរ៉ុបផ្សេងៗទៀត ដែលផ្តល់ជូនដែរ មានដូចជា ឆែក បារាំង អ៊ីតាលី ប៉ូឡូញ ហើយអង់គ្លេសក៏ផ្តល់ដែរ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
