ខេត្តកំពង់ចាមសាងសង់បន្ថែមកន្លែងបូជាអ្នកស្លាប់ដោយកូវីដ (Video Inside)
ខេត្តកំពង់ចាមបានសម្រេចសាងសង់កន្លែងបូជាសពអ្នកស្លាប់ដោយកូវីដ-១៩ មួយកន្លែងទៀតក្រោយពីចំនួន អ្នកស្លាប់បានកើនដល់ជិត២០០នាក់នៅក្នុងខេត្តជាប់ដងទន្លេមេគង្គនោះ។ យោងតាមមន្ត្រីខេត្តករណីស្លាប់ក្នុង ខេត្តកំពង់ចាមក្នុងរយៈពេលថ្មីៗជាពិសេសក្រោយពិធីបុណ្យភ្ជុំបានបញ្ចប់នេះ មានតួលេខកើនឡើងដោយថ្ងៃខ្លះ ការស្លាប់មានច្រើនរហូតដល់៦នាក់នោះថែមទៀត។
អភិបាលខេត្តកំពង់ចាមលោក អ៊ុន ចាន់ដា បានថ្លែងនៅថ្ងៃ ទី១២តុលានេះថា រដ្ឋបាលខេត្តកំពង់ចាមបាន សម្រេចសាងសង់ឡសម្រាប់បូជាសពអ្នក ស្លាប់ដោយជំងឺកូវីដ-១៩ មួយកន្លែងទៀត ដែលនឹងស្ថិតនៅក្នុងបរិវេណវត្តបឹងកុកដដែល។
យោងតាម សេចក្តី រាយការណ៍ខេត្ត គិត ត្រឹមល្ងាចថ្ងៃទី ១១តុលា ទូទាំងខេត្តមានអ្នកវិជ្ជមានជំងឺកូវីដ-១៩ សរុបចំនួន ៧ពាន់៤៧៥ នាក់, ក្នុងនោះមានវិជ្ជមានកូវីដ ១៩ ប្រភេទដែលតាចំនួន ១៨៤ នាក់, ព្យាបាលជាសះស្បើយចំនួន ៦ពាន់៣០៦ នាក់ និងអ្នកស្លាប់មានចំនួន ១៨៣ នាក់៕