ចក្រភពអង់គ្លេសក្រោមសម្ពាធថាតើគួរដាក់ចេញការរឹតត្បិតឡើងវិញទេ ក្រោយករណីកូវីដកើនឡើង
អ្នកវិទ្យាសាស្ត្រជាច្រើន កំពុងដាក់សម្ពាធលើរដ្ឋាភិបាលអង់គ្លេសថា តើគួរដាក់កំហិតលើការរឹតត្បិតសង្គមឡើងវិញ និងបង្កើនល្បឿនការចាក់វ៉ាក់សាំងការពារដែរទេ ក្រោយឃើញមានករណីកូវីដក្នុងតំបន់កើនឡើងខ្ពស់ជាងគេនៅអឺរ៉ុប។
ចក្រភពអង់គ្លេស បានរកឃើញកំណត់ត្រាករណីឆ្លងថ្មីរហូតដល់ ៤៩.១៥៦ ករណី កាលពីថ្ងៃ ច័ន្ទ ដែលជាចំនួនច្រើនបំផុត គិតចាប់តាំងពីពាក់កណ្តាលខែ កក្កដា មក។ ការឆ្លងថ្មីជាមធ្យមស្ថិតក្នុងចំនួន ៤៣.០០០ នាក់ក្នុងមួយថ្ងៃក្នុងសប្តាហ៍កន្លងទៅនេះ ដោយកើនឡើង ១៥ ភាគរយ បើប្រៀបធៀបនឹងសប្តាហ៍មុន។
កាលពីសប្តាហ៍មុន ការិយាល័យស្ថិតិជាតិ បានប៉ាន់ប្រមាណថា មនុស្សម្នាក់ក្នុងចំណោម ៦០ នាក់នៅក្នុងប្រទេសអង់គ្លេសឆ្លងមេរោគនេះ ដែលជាកម្រិតមួយខ្ពស់បំផុតនៅក្នុងប្រទេសអង់គ្លេសក្នុងកំឡុងពេលមានជំងឺរាតត្បាត។
នៅខែ កក្កដា រដ្ឋាភិបាលរបស់នាយករដ្ឋមន្រ្តី លោក Borris Johnson បានដកការរឹតត្បិតផ្នែកច្បាប់ទាំងអស់ ដែលបានដាក់ចេញជាងមួយឆ្នាំមុន ដើម្បីបន្ថយការរីករាលដាលនៃមេរោគរួមទាំង ការពាក់ម៉ាស់ និងវិធានគម្លាតសង្គមផងដែរ។
អ្នកខ្លះនិយាយថា ជនជាតិអង់គ្លេសត្រលប់ទៅរកជីវិតមុនពេលមានជំងឺរាតត្បាតលឿនពេក។ ការពាក់ម៉ាស់ និងការរក្សាគន្លាតសង្គម ក៏ត្រូវអនុវត្តនៅក្នុងប្រទេសអង់គ្លេសរួមទាំង សាលារៀន ទោះបីជាផ្នែកផ្សេងទៀតនៃចក្រភពអង់គ្លេសនៅតែតឹងរ៉ឹងជាងនេះបន្តិចក៏ដោយ។
ប្រភព៖ Aljazeera