ចិនធ្វើការបិទខ្ទប់សាកលវិទ្យាល័យមួយ ក្រោយផ្ទុះជំងឺកូវីដ១៩ រលកថ្មីនៅក្នុងទីក្រុងកំពង់ផែ
ចិនកាលពីថ្ងៃអាទិត្យកន្លងទៅបានធ្វើការបិទខ្ទប់សាកលវិទ្យាល័យមួយនៅឯទីក្រុងកំពង់ផែ Dalian ក្រោយពីមានការរាតត្បាតនៃជំងឺកូវីដ-១៩ នៅក្នុងទីក្រុងនៅក្នុងខែវិច្ឆិកានេះ។
ការបិទខ្ទប់នេះធ្វើឡើងក្រោយពី និស្សិតមួយចំនួនបានឆ្លងនូវជំងឺកូវីដ-១៩នេះ ដែលបណ្ដាលឱ្យនិស្សិតប្រមាណ ១ ៥០០នាក់ត្រូវបានដាក់ឱ្យធ្វើចត្តាឡីស័កនៅក្នុងសណ្ឋាគារ ឬ អន្តេវាសិកដ្ឋាន ដើម្បីធ្វើការតាមដានសុខភាពបន្ត។
និស្សិតទាំងនោះត្រូវបានគេផ្ដល់នូវម្ហូបអាហារជាប្រចាំ ខណៈពួកគេត្រូវបន្តរៀនអនឡាញ។
ទីក្រុង Dalian ជាតំបន់រាតត្បាតនៃជំងឺកូវីដ-១៩ ចុងក្រោយនៅក្នុងប្រទេសចិន ដោយកាលពីថ្ងៃច័ន្ទកន្លងទៅ ក្នុងចំណោម ៣២ករណីរកឃើញសរុបនៅប្រទេសចិន មាន ២៥ករណីទៅហើយ ដែលរកឃើញនៅទីក្រុងនេះ។
ក្រៅពីការបិទខ្ទប់សាកលវិទ្យាល័យ អាជ្ញាធរទីក្រុង Dilian ក៏ជំរុញមិនឱ្យប្រជាជនរបស់ខ្លួនចាកចេញពីផ្ទះ ហើយផ្អាកនូវសកម្មភាពសាធារណៈមួយចំនួន ដែលមិនចាំបាច់៕
ប្រភព៖ CBS News
